സിനിമാലോകം ഒന്നടങ്കം കാത്തിരിക്കുന്ന ചിത്രമാണ് പ്രഭാസ് നായകനായ ആദിപുരുഷ്. രാമായണകഥയെ ആസ്പദമാക്കി ഓം റാവത്ത് ഒരുക്കിയ ചിത്രമാണ് ആദിപുരുഷ്. കാത്തിരിപ്പിനൊടുവില് നാളെയാണ് ചിത്രം തിയ്യേറ്ററിലെത്തുന്നത്.
റിലീസ് ദിവസം തന്നെ മറ്റൊരു കാരണം കൊണ്ടു ചിത്രം ശ്രദ്ധ നേടിയിരിക്കുകയാണ്.
ആദിപുരുഷ് പ്രദര്ശിപ്പിക്കുന്ന എല്ലാ തിയറ്ററുകളിലും ഹനുമാന് വേണ്ടി ഒരു സീറ്റ് ഒഴിച്ചിടുമെന്ന് അണിയറ പ്രവര്ത്തകര് അറിയിച്ചിരുന്നു. ഇപ്പോഴിതാ ഇതുമായി ബന്ധപ്പെട്ട പുതിയ അപ്ഡേറ്റാണ് വൈറലാകുന്നത്.
ഹനുമാന് വേണ്ടി തിയ്യേറ്ററില് സീറ്റ് സെറ്റ് ചെയ്തിരിക്കുന്ന ഫോട്ടോയാണ് പുറത്തുവന്നിരിക്കുന്നത്. ഇത് വൈറല് ആയിരിക്കുകയാണ്. ഹനുമാന്റെ ചിത്രആലേഖനം ചെയ്ത കാവി നിറത്തിലുള്ള മുണ്ട് സീറ്റില് വിരിച്ചിട്ടുണ്ട്. ‘ഭഗവാന് ഹനുമാന്റെ ഇരിപ്പിടം’ എന്നാണ് കമന്റുകള് നിറയുന്നത്.
ഇത്തരത്തില് എല്ലാ തിയറ്ററുകളിലും കാണുമെന്നും കമന്റുകളുണ്ട്. മാത്രമല്ല ഇവിടെ സിനിമ കാണാന് എത്തുന്നവര്ക്ക് പൂക്കള് അര്പ്പിക്കാനുള്ള അവസരവും ഉണ്ടാകുമെന്നാണ് റിപ്പോര്ട്ടുകള്.
ചിത്രം കാണാന് ഹനുമാന് തിയറ്ററുകളില് വരും എന്നാണ് അണിയറപ്രവര്ത്തകര് പറഞ്ഞിരുന്നത്. ചിരഞ്ജീവിയായ ഹനുമാന് രാമനുമായി ബന്ധപ്പെട്ട എല്ലായിടത്തും എത്തുമെന്നാണ് വിശ്വാസം. അതിനാല് രാമന്റെ കഥയായ ആദിപുരുഷ് പ്രദര്ശിപ്പിക്കുന്ന തീയറ്ററിലും ഹനുമാന് എത്തും എന്നാണ് വിശ്വാസം.
പ്രഭാസ് രാമനായി നിറഞ്ഞാടുന്നത് കാണാന് കാത്തിരപ്പിലാണ് ആരാധകലോകം.
ഹിന്ദിയിലും തെലുങ്കിലും, തമിഴ്, മലയാളം ഭാഷകളിലും ചിത്രം എത്തുന്നുണ്ട്.