ബോളിവുഡിലെ ഏറെ ആരാധകരുള്ള താര ദമ്പതികളാണ് ഐശ്വര്യ റായിയും അഭിഷേക് ബച്ചനും. കുറച്ചുനാളുകളായി ഇരുവരെയും ചുറ്റിപ്പറ്റി മോശം വാര്ത്തകളാണ് പുറത്തുവന്നിരുന്നത്. പാപ്പരാസികള് മുഴുവന് ഇരുവര്ക്കുമൊപ്പമായിരുന്നു. ബച്ചന് കുടുംബവുമായി ഐശ്വര്യയ്ക്ക് ചെറിയ അസ്വാരസ്യങ്ങള് ഉണ്ടെന്നും ഐശ്വര്യയും അഭിഷേകും ഒരുമിച്ചല്ലെന്നും ഇരുവരും പിരിഞ്ഞെന്നുമെല്ലാമായിരുന്നു റിപ്പോര്ട്ടുകളെല്ലാം.
എന്നാല് ഈ വാര്ത്തകളെയെല്ലാം കാറ്റില് പറത്തി താര കുടുംബം ഒന്നിച്ചെത്തിയിരിക്കുകയാണ്. അമിതാഭ് ബച്ചന്റെ മകള് ശ്വേത നന്ദയുടെ മകന് അഗസ്ത്യ നന്ദ ആദ്യമായി അഭിനയിക്കുന്ന ആര്ച്ചീസ് എന്ന ചിത്രത്തില് സ്പെഷ്യല് പ്രിമിയറിനായാണ് ബച്ചന് കുടുംബം ഒന്നിച്ച എത്തിയ വീഡിയോയാണ് വൈറലായിരിക്കുന്നത്.
ഐശ്വര്യ റായിയും മകള് ആരാധ്യ ബച്ചനും അഭിഷേകിനൊപ്പമാണ് എത്തിയത്. മൂന്നുപേരും ഒന്നിച്ച് ഫോട്ടോയ്ക്ക് പോസ് ചെയ്യുകയും ചെയ്തു. കൂടാതെ അമിതാഭ് ബച്ചനും കുടുംബത്തിനുമൊപ്പവും ഐശ്വര്യ ഫോട്ടോ എടുത്തു. അമിതാഭ് ബച്ചന്, ജയ ബച്ചന്, ശ്വേത നന്ദ, നവ്യ നവേലി എന്നിവരെല്ലാം പ്രിമീയര് ഷോ കാണാന് എത്തിയിരുന്നു.
ചടങ്ങില് അമിതാഭ് ബച്ചന്റെ സഹോദരന് അജിതാഭ് ബച്ചനും മകള് നൈന ബച്ചനും ഉണ്ടായിരുന്നു. കത്രീന കൈഫ്, രണ്വീര് സിംഗ് മുതല് രണ്ബീര് കപൂര് വരെ അമ്മ നീതു കപൂര്, ഹൃത്വിക്-സബ എന്നിവരോടൊപ്പം, ഈ വര്ഷത്തെ ഏറെ പ്രതീക്ഷയോടെ കാത്തിരുന്ന ചിത്രത്തിന്റെ പ്രദര്ശനത്തില് പങ്കെടുത്തു. നെറ്റ്ഫ്ലിക്സ് ഒരുക്കുന്ന ചിത്രമാണ് ആര്ച്ചീസ്. അഗസ്ത്യ നന്ദ ആര്ച്ചീസ് എന്ന ചിത്രത്തിലെ പ്രധാന താരങ്ങളിലൊരാളാണ്.
അതേസമയം, ബച്ചന് കുടുംബം മുഴുവന് ദ ആര്ച്ചീസിന്റെ പ്രദര്ശനത്തില് പങ്കെടുത്ത വീഡിയോ പുറത്തുവന്നതോടെ വേര്പിരിയല് വാര്ത്തകള്ക്ക് അറുതിയായിരിക്കുകയാണ്. ആരാധകലോകവും ഏറെ സന്തോഷത്തിലാണ്.
ആദ്യം മുതലേ ഐശ്വര്യയും ബച്ചനും പരസ്പരം ഫോളോ ചെയ്തിരുന്നില്ല എന്നാണ് ചിലരുടെ കണ്ടെത്തല്. മാത്രമല്ല ഇരുവരും ഫോളോ ചെയ്യുന്നവരെ പ്രൈവറ്റ് ആക്കി വച്ചിരിക്കുകയാണ് എന്നും ആരാധകര് കണ്ടെത്തിയിട്ടുണ്ട്.