പ്രണയവിലാസ’ത്തിലെ അനുശ്രീ എന്ന കഥാപാത്രത്തെ അനശ്വരമാക്കിയിരിക്കുകയാണ് അനശ്വര രാജൻ. ‘എൻറെ വിനോദിന്, പ്രണയത്തിൻറെ വേർപാടിലും ഓരോ നിമിഷവും ജീവിച്ച് തീർക്കുന്ന നീയാണ് എൻറെ പ്രണയത്തിൻറെ വിലാസം’ എന്ന് പറയുകയാണ് അനശ്വര അഥവാ അനുശ്രീ എന്ന കഥാപാത്രം. പ്രണയത്തിൽ ചാലിച്ച ഈ പോസ്റ്റ് സോഷ്യൽമീഡിയ ഏറ്റെടുത്തിരിക്കുകയാണ് എന്ന് പറയാതെ വയ്യ.
സിനിമയിൽ അനുശ്രീ എന്ന കഥാപാത്രത്തിന്റെ കാമുകനായ ഹക്കീം ഷാജഹാനെ അഭിനന്ദിച്ചുകൊണ്ട് എഴുതിയിരിക്കുന്ന വരികൾ ഇങ്ങനെയാണ്
”എന്റെ വിനോദിന്, പ്രണയത്തിന്റെ വേർപാടിലും ഓരോ നിമിഷവും ജീവിച്ച് തീർക്കുന്ന നീയാണ് എന്റെ പ്രണയത്തിന്റെ വിലാസം. ഞാൻ ആരാധിക്കുകയും യഥാർത്ഥ ജീവിതത്തിൽ ഉണ്ടായിരുന്നുവെങ്കിൽ എന്ന് ആഗ്രഹിക്കുകയും ചെയ്യുന്ന ഒരു സാങ്കൽപ്പിക കഥാപാത്രമായ അനുശ്രീയുടെ വിനോദ് എന്ന കഥാപാത്രത്തിനും വിനോദിന് ജീവൻ നൽകി ആ കഥാപാത്രത്തെ ഏറ്റവും മികച്ചതാക്കിയ മിടുക്കനായ നടൻ ഹക്കീം ഷാജഹാനുമുള്ള അഭിനന്ദനകുറിപ്പാണിത്’ ഇതായിരുന്നു അനശ്വരയുടെ ഇൻസ്റ്റഗ്രം പോസ്റ്റ്.
നവാഗതനായ നിഖിൽ മുരളിയാണ് പ്രണയവിലാസം സംവിധാനം ചെയ്തിരിക്കുന്നത്. ജ്യോതിഷ് എം, സുനു എ.വി എന്നിവർ ചേർന്നാണ് പ്രണയവിലാസത്തിൻറെ തിരകഥയൊരുക്കിയിരിക്കുന്നത്. അനശ്വര രാജൻ,ഹക്കീം ഷാജഹാൻ എന്നിവരെ കൂടാതെ അർജ്ജുൻ അശോകനും മമിതാ ബൈജുവുമാണ് മ്റ്റ് പ്രധാന താരങ്ങൾ. ചാവറ ഫിലിംസ്, ന്യൂസ്‌പേപ്പർ ബോയ് എന്നീ ബാനറുകളിൽ സിബി ചാവറ, രഞ്ജിത്ത് നായർ എന്നിവർ ചേർന്നാണ് ചിത്രത്തിന്റെനിർമ്മാണം.
View this post on Instagram
