അര്‍ജുന്‍ അശോകനും അനഘ നാരായണനും പ്രധാന കഥാപാത്രങ്ങളാവുന്ന പ്രണയ ചിത്രം ‘അന്‍പോട് കണ്‍മണി’യുടെ പോസ്റ്റര്‍ പുറത്ത്. മനോഹരമായ പ്രണയകഥ പറയുന്ന ചിത്രം ലിജു തോമസ് ആണ് സംവിധാനം ചെയ്യുന്നത്. ജോണി ആന്റണി, അല്‍ത്താഫ്, ഉണ്ണിരാജ, നവാസ് വള്ളിക്കുന്ന്, മാലപാര്‍വതി, സംവിധായകന്‍ മൃദുല്‍ നായര്‍ തുടങ്ങിയ താരങ്ങളാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ക്രിയേറ്റീവ് ഫിഷിന്റെ ബാനറില്‍ വിപിന്‍ പവിത്രന്‍ ആണ് ചിത്രം നിര്‍മ്മിക്കുന്നത്. സരിന്‍ രവീന്ദ്രന്‍ ആണ് ചിത്രത്തിന്റെ ഛായാഗ്രഹണം നിര്‍വ്വഹിക്കുന്നത്. സംഗീതം-സാമുവല്‍ എബി, എക്‌സിക്യൂട്ടീവ് പ്രൊഡ്യൂസര്‍-സനൂപ് ദിനേശ്, എഡിറ്റര്‍-സുനില്‍ എസ് പിള്ളൈ, പ്രൊഡക്ഷന്‍ കണ്‍ട്രോളര്‍-ജിതേഷ്
അഞ്ചുമന, മേക്കപ്പ്-നരസിംഹ സ്വാമി, ആര്‍ട്ട് ഡയറക്ടര്‍ – ബാബു പിള്ളൈ, കോസ്റ്റും ഡിസൈനര്‍ – ലിജി പ്രേമന്‍, കഥ-അനീഷ് കൊടുവള്ളി, ചീഫ് അസോസിയേറ്റ് ഡയറക്ടര്‍-ഷമിം അഹമ്മദ്, പ്രൊഡക്ഷന്‍ മാനേജര്‍സ്-ജോബി ജോണ്‍, കല്ലാര്‍ അനില്‍, അസോസിയേറ്റ് ഡയറക്ടര്‍-പ്രിജിന്‍ ജസി,ശ്രീകുമാര്‍ സേതു, അസിസ്റ്റന്റ് ഡയറക്ടര്‍സ്-ഷിഖില്‍ ഗൗരി, സഞ്ജന ജെ രാമന്‍, ഗോപികൃഷ്ണന്‍, ശരത് വി ടി, സ്റ്റില്‍സ്-ബിജിത്ത് ധര്‍മ്മടം, പി ആര്‍ ഒ-എ എസ് ദിനേശ് എന്നിവരാണ് മറ്റ് അണിയറപ്രവര്‍ത്തകര്‍.
ആസിഫ് അലിയും ബിജു മേനോനും ഒന്നിച്ചെത്തിയ ‘കവി ഉദ്ദേശിച്ചത്’ എന്ന ഹിറ്റ് സിനിമയ്ക്ക് ശേഷം ലിജു തോമസ് സംവിധാനം ചെയ്യുന്ന ചിത്രമാണിത്. ആരാധകലോകം ഏറെ പ്രതീക്ഷയോടെ കാത്തിരിക്കുന്ന ചിത്രവുമാണ് അന്‍പോട് കണ്‍മണി.