മലയാളത്തിലെ എക്കാലത്തെയും പ്രിയ ചിത്രങ്ങളിലൊന്നാണ് നന്ദനം. 2002ല് തിയ്യേറ്ററിലെത്തിയ ചിത്രത്തിലൂടെയായിരുന്നു പൃഥ്വിരാജും നവ്യാനായരും സിനിമാ ലോകത്തേക്കെത്തിയത്. ചിത്രം പുറത്തിറങ്ങി 19 വര്ഷമായെങ്കിലും നവ്യാ നായര് ഇപ്പോഴും ആരാധകരുടെ പ്രിയ ബാലാമണിയാണ്. മറ്റൊരു താരം കൂടെ ഏറെ ശ്രദ്ധേനായിരുന്നു. ചിത്രത്തിലെ കൃഷ്ണനായെത്തിയ അരവിന്ദ് ആകാശ്.
ബാലാമണിയുടെ സങ്കടങ്ങളില് കൂട്ടായി മനുഷ്യരൂപത്തിലെത്തിയ കണ്ണന്. വിവാഹനാളില് അത് സാക്ഷാല് ഗുരുവായൂരപ്പന് മനുഷ്യരൂപത്തില് പ്രത്യക്ഷപ്പെട്ടതാണ് എന്ന് തിരിച്ചറിവുനല്കി മറയുന്ന ഫാന്റസി രംഗം ഇന്നും പ്രിയപ്പെട്ടതാണ്.
ഇപ്പോഴിതാ ആ കൃഷ്ണന് വീണ്ടും ഗുരുവായൂരിലെത്തിയിരിക്കുകയാണ്. വര്ഷങ്ങള്ക്ക് ശേഷമാണ് ആരാധകര് അരവിന്ദിനെ കാണുന്നത്. പൃഥ്വിരാജ്, ബേസില് ചിത്രം ‘ഗുരുവായൂരമ്പല നടയില്’ ചിത്രത്തിന്റെ ക്രിസ്മസ് ആഘോഷത്തിനെത്തിയതാണ് അരവിന്ദും.
നടന് പൃഥ്വിരാജ്, ജഗദീഷ്, നടി രേഖ, ബേസില് ജോസഫ്, അനശ്വര രാജന്, നിഖില വിമല് തുടങ്ങിയവരാണ് ചിത്രത്തില് പ്രധാന വേഷത്തിലെത്തുന്നത്. ലൊക്കേഷനിലെ ക്രിസ്മസ് ആഘോഷത്തില് താരവും കേക്ക് മുറിയ്ക്കുന്നുണ്ട്. ചിത്രത്തില് നടന്റെ റോള് എന്താണെന്ന് പുറത്തുവന്നിട്ടില്ല.
സൂപ്പര്ഹിറ്റ് ചിത്രം ‘ജയ ജയ ജയ ജയഹേ’ക്ക് ശേഷം പൃഥ്വിരാജ് സുകുമാരന്, ബേസില് ജോസഫ് എന്നിവരെ പ്രധാന കഥാപാത്രങ്ങളാക്കി വിപിന്ദാസ് സംവിധാനം ചെയ്യുന്ന ചിത്രമാണ് ‘ഗുരുവായൂര് അമ്പലനടയില്’. പൃഥ്വിരാജ് പ്രൊഡക്ഷന്സിന്റെ ബാനറില് സുപ്രിയ മേനോന്, E4 എന്റര്ടൈന്മെന്റ് ബാനറില് മുകേഷ് ആര്. മേത്ത, സി.വി. സാരഥി എന്നിവര് ചേര്ന്നാണ് ചിത്രം നിര്മ്മിക്കുന്നത്.
ചിത്രത്തിന്റെ ഛായാഗ്രഹണം നീരജ് രവിയാണ് നിര്വഹിക്കുന്നത്. ‘കുഞ്ഞിരാമായണ’ത്തിന് ശേഷം ദീപു പ്രദീപ് രചന നിര്വഹിക്കുന്ന ചിത്രമാണ് ‘ഗുരുവായൂര് അമ്പലനടയില്’. ലൈന് പ്രൊഡ്യൂസര്- ഹാരിസ് ദേശം, എഡിറ്റര്- ജോണ് കുട്ടി, സംഗീതം അങ്കിത് മേനോന്, പ്രൊഡക്ഷന് കണ്ട്രോളര്- റിനി ദിവാകര്, ആര്ട്ട് ഡയറക്ടര്- സുനില് കുമാര്, കോസ്റ്റ്യൂം ഡിസൈനര്- അശ്വതി ജയകുമാര്, മേക്കപ്പ്- സുധി സുരേന്ദ്രന്, സൗണ്ട് ഡിസൈനര്- അരുണ് എസ്. മണി, ചീഫ് അസോസിയേറ്റ് ഡയറക്ടര്- ശ്രീലാല്, സെക്കന്റ് യൂണിറ്റ് ക്യാമറ-അരവിന്ദ് പുതുശ്ശേരി, ഫിനാന്സ് കണ്ട്രോളര്- കിരണ് നെട്ടയില്, പ്രൊഡക്ഷന് എക്സിക്യൂട്ടീവ്- അനീഷ് നന്ദിപുലം, വിനോഷ് കൈമള്, സ്റ്റില് ജസ്റ്റിന്, പ്രൊമോഷന് കണ്സല്ട്ടന്റ് – വിപിന് കുമാര്, എന്നിവരാണ് മറ്റ് അണിയറയിലുള്ളവര്.