ബിഗ് ബോസ് സീസൺ 8-ൽ മത്സരാർത്ഥികളായ ഷിബിനയും ഗൗതമും തമ്മിലുണ്ടായ വിവാദ സംഭവത്തിൽ പ്രതികരണവുമായി രാഹുൽ ഈശ്വറിന്റെ ഭാര്യ ദീപ. വിഷയത്തിൽ ഇടപെട്ട് സംസാരിച്ച രാഹുലിന്റെ നിലപാടിനെ പിന്തുണച്ച ദീപ, ഷിബിനയ്ക്ക് നേരിടേണ്ടി വന്നത് നിർഭാഗ്യകരമായ കാര്യമാണെങ്കിലും ഗൗതം മോശം ഉദ്ദേശത്തോടെ ചെയ്ത ഒന്നല്ല അതെന്നും വ്യക്തമാക്കി.
ബിഗ് ബോസ് വീടിനുള്ളിൽ ബിഗ് ബോസ് ഹൗസ് അംഗങ്ങൾ തമ്മിലുള്ള തർക്കങ്ങൾ പരിഹരിക്കാനും സമാധാനം കൊണ്ടുവരാനുമാണ് രാഹുൽ ശ്രമിക്കുന്നത്. ഷിബിനയും ഗൗതമും തമ്മിലുള്ള പ്രശ്നത്തിൽ ഗൗതം ഒരു സ്ത്രീയെ ഉപദ്രവിക്കാൻ ശ്രമിച്ചു എന്ന തരത്തിലേക്ക് കാര്യങ്ങൾ മാറാതിരിക്കാനാണ് രാഹുൽ ശ്രമിച്ചത്. ഗൗതമിന്റേത് വളരെ ലൈറ്റ് ഹാർട്ടഡ് ആയ പൊസിറ്റീവ് വ്യക്തിത്വമാണെന്നും അവിടെ സംഭവിച്ചത് ഒരു തമാശ കൈവിട്ടുപോയ സാഹചര്യമാണെന്നും (Prank gone wrong) ദീപ ചൂണ്ടിക്കാട്ടി.
ബിഗ് ബോസ് ഹൗസിൽ കളിക്കുന്ന ഗെയിമുകൾ നൂറ് ദിവസങ്ങൾക്ക് ശേഷവും പുറത്തുണ്ടാകുമെന്നും ഭാവിയിൽ സ്വന്തം മക്കൾ കാണുമ്പോൾ അഭിമാനത്തോടെ നോക്കിക്കാണാൻ കഴിയുന്ന രീതിയിലാണ് രാഹുൽ പെരുമാറുന്നതെന്നും ദീപ കൂട്ടിച്ചേർത്തു. ഗെയിമിന് വേണ്ടി എന്തും ചെയ്യുക എന്ന നിലപാട് രാഹുലിനില്ലെന്നും, രാഹുലിന്റേത് സേഫ് ഗെയിം അല്ലെന്നും ദീപ അഭിമുഖത്തിൽ വ്യക്തമാക്കി.
