ദിലീപ് നായകനായ പ്രിൻസ് ആൻഡ് ഫാമിലി ഇപ്പോൾ തീയറ്ററുകളിൽ ഗംഭീരപ്രേഷക പ്രതികരണവുമായി മുന്നേറുകയാണ്, ജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ നിർമിച്ച പുതുമുഖ സംവിധായകൻ ബിന്റോ സ്റ്റീഫൻ സംവിധാനം ചെയ്യുന്ന ദിലീപിന്റെ 150 താമത്തെ ചിത്രമാണ് പ്രിൻസ് ആൻഡ് ഫാമിലി. ഇപ്പോൾ സിനിമ തിയറ്ററില് പോയി കണ്ടശേഷം നടത്തിയ അഭിപ്രായത്തില് വിശദീകരണവുമായി സിപിഎം ജനറല് സെക്രട്ടറി എം.എ ബേബി രംഗത്ത് എത്തിയിരിക്കുകയാണ്. ഈ സിനിമ കണ്ട് ഞാന് ഒരു അഭിപ്രായം പറഞ്ഞതിനെ ക്കുറിച്ച് പല സുഹൃത്തുക്കളും എന്നോട് നേരിട്ടും അല്ലാതെയും പരാതി പറഞ്ഞു. അതിനെക്കുറിച്ച് എനിക്ക് പറയുവാനുള്ളത് ഇതാണ്.
ഈ സിനിമയെ പ്രശംസിക്കാൻ കാരണം, കേരളത്തില് നിന്നുള്ള ഒരു യുവ പുതുമുഖ ചലച്ചിത്ര സംവിധായകന്റെ നിരന്തരമായ അഭ്യര്ത്ഥന കൊണ്ടാണ് ഞാന് ഈ സിനിമ കാണാന് നിര്ബന്ധിതനായത്. സിനിമ കണ്ടപ്പോള്, ഒരു നല്ല സന്ദേശമുള്ള സിനിമയാണിതെന്ന് എനിക്ക് തോന്നി. മറിച്ച് അഭിപ്രായം ഉള്ളവരും ഉണ്ടാകാം. കലാപരമായി അസാധാരണമായ ഔന്നത്യം ഇതിനില്ലെങ്കിലും അക്രമരംഗങ്ങളോ അനാവശ്യമായ അസഭ്യസംഭാഷണങ്ങളോ ഒന്നും ഇല്ലാത്ത ഭേദപ്പെട്ട ഒരു സിനിമ ആയി തോന്നി. അതുകൊണ്ടാണ് സംവിധായകനെ അല്ലാതെ മറ്റാരെയും പേരെടുത്ത് പരാമര്ശിക്കാതെ ഞാന് അത് പങ്കുവെച്ചത്.
ഇക്കാര്യത്തിന് ഇതില് കൂടുതല് അര്ത്ഥമുണ്ടെന്ന് ഞാന് കരുതുന്നില്ല. ഇതില് അഭിനയിച്ച, ആരോപണവിധേയനായ നടനെ ഞാന് ന്യായീകരിക്കുന്നു എന്ന് വ്യാഖ്യാനിക്കേണ്ടതില്ല. തികച്ചും അപ്രതീക്ഷിതമായി ഒട്ടേറെ സഖാക്കള് അനുഭാവികള് തുടങ്ങിയവര് സദുദ്ദേശ്യത്തിലും മറ്റു ചിലര് അങ്ങനെയല്ലാതെയും ഈ കാര്യത്തില് എന്നോട് അവരുടെ വിയോജിപ്പ് പ്രകടിപ്പിക്കുകയുണ്ടായി. പാര്ട്ടിയേയും എന്നെയും സ്നേഹിക്കുന്നവരെ ഇത്തരത്തില് ഉദ്ദേശിക്കാതെ പ്രയാസപ്പെടുത്തിയതില് എനിക്കും വിഷമമുണ്ട്, എന്നാണ് അദ്ദേഹം പറയുന്നത്.
അതേസമയം, ദിലീപ് ചിത്രമായ ‘പ്രിൻസ് ആൻഡ് ഫാമിലി’യെ പ്രശംസിച്ച സിപിഎം ജനറൽ സെക്രട്ടറി എംഎ ബേബി. സാധാരണ ഇറങ്ങുന്ന സിനിമകളിൽ നിന്ന് വ്യത്യസ്തമായി കുടുംബസമേതം കാണാൻ പറ്റുന്നതും, സാമൂഹികമായി സന്ദേശം നൽകുന്ന സിനിമയാണ് ‘പ്രിൻസ് ആൻഡ് ഫാമിലി’യെന്നും എം എ ബേബി പറഞ്ഞു.
