പാറശ്ശാല ഷാരോൺ വധക്കേസിൽ പ്രതി ഗ്രീഷ്മ കുറ്റക്കാരിയെന്ന് കോടതി വിധിച്ചു. നെയ്യാറ്റിന്കര അഡീഷണല് സെഷന്സ് കോടതിയാണ് ഈ വിധിക്ക് ഉത്തരവിട്ടത്. കൊലപാതകം നടന്ന് രണ്ട് വര്ഷത്തിന് ശേഷമാണ് ഈ കേസിൽ ഇപ്പോൾ നിർണായക വിധി എത്തിയിരിക്കുന്നത്. 2022 ഒക്ടോബറിലാണ് കേസിനാസ്പദമായ സംഭവം ഉണ്ടായത്. ഷാരോണും, ഗ്രീഷ്മയും വര്ഷങ്ങളായി പ്രണയത്തിലായിരുന്നു. ആ സമയത്ത് ഗ്രീഷ്മയ്ക്ക് ഒരു മിലട്ടറിക്കാരന്റെ ആലോചന എത്തി, തുടർന്ന് ഷാരോണിനെ ഒഴിവാക്കാന് ഗ്രീഷ്മയും, കുടുംബവും പദ്ധതിയിടുകയും ചെയ്യ്തു. അതിനായി ഷാരോണിനെ വീട്ടിലേക്ക് വിളിച്ചുവരുത്തി വിഷം ചേര്ത്ത കഷായം നല്കുമായിരുന്നു.
ഷാരോൺ കഷായം കഴിച്ച ശേഷം അവശനിലയിലാണ് വീട്ടിലെത്തിയത്, അതിന് തുടര്ന്ന് വീട്ടുകാര് ഷാരോണിനെ ആശുപത്രിയില് പ്രവേശിപ്പിക്കുകയായിരുന്നു. പതിനൊന്ന് ദിവസത്ത് ചികിത്സക്കു ശേഷമാണ് ഷാരോണ് മരണത്തിന് കീഴടങ്ങുന്നത്. ഗ്രീഷ്മ നല്കിയ കഷായം കുടിച്ചിരുന്നതായി മജിസ്ട്രേറ്റിന് മുന്നില് മരണമൊഴി നല്കുന്നതിനിടെ ഷാരോണ് പറഞ്ഞിരുന്നു. എന്നാല് ഗ്രീഷ്മ തന്നെ അപായപ്പെടുത്തുമെന്ന് കരുതുന്നില്ലെന്നും ഷാരോണ് മൊഴി നല്കിയിരുന്നു. ഇതാണ് കേസില് അന്വേഷണ സംഘത്തിന് തുമ്പായത്.
ഷാരോണിന്റെ മരണശേഷം നിയോഗിച്ച പ്രത്യേക സംഘത്തിന് ഫോറന്സിക് ഡോക്ടര് കൈമാറിയ ശാസ്ത്രീയ തെളിവുകളും കേസില് നിര്ണായകമായി. പൊലീസ് വിളിച്ചു വരുത്തി ചോദ്യം ചെയ്തപ്പോള് ഗ്രീഷ്മ കുറ്റം സമ്മതിച്ചിരുന്നു. തെളിവുകള് നശിപ്പിച്ചതിന് ഗ്രീഷ്മയുടെ അമ്മ സിന്ധു, അമ്മാവന് നിര്മലകുമാരന് നായരെയും പ്രതി ചേര്ത്തിരുന്നു.കഴിഞ്ഞ വര്ഷം ഒക്ടോബര് 15ന് തുടങ്ങിയ വിചാരണ ഈ മാസം മൂന്നിനാണ് അവസാനിച്ചത്. 95 സാക്ഷികളെയാണ് കേസില് വിസ്തരിച്ചത്.
