മലയാള സിനിമയില് നിറഞ്ഞു നില്ക്കുകയാണ് ഇന്ദ്രന്സ് എന്ന നടന്. നായകനായും ഹാസ്യതാരമായും വില്ലനായും അദ്ദേഹം മലയാളികളെ അമ്ബരപ്പിക്കുകയാണ്. എന്നാല് താന് ഹാസ്യതാരമായത് അമ്മയുടെ ശാപം കൊണ്ടാണെന്ന് പറയുകയാണ് താരം. കുരുത്തക്കേട് മൂത്ത് പഠിക്കാതെ ഉഴപ്പി നടന്ന കാലത്ത് അമ്മ പറഞ്ഞ വാക്കുകള് സത്യമാവുകയായിരുന്നു എന്നാണ് താരം ഒരു അഭിമുഖത്തിൽ പറഞ്ഞത്. കുരുത്തക്കേട് മൂത്ത് പഠിക്കാതെ ഉഴപ്പി നടന്ന കാലത്ത് ഒരിക്കല് നേരം വൈകി വീട്ടില് കയറി ചെന്നു. അന്ന് അമ്മ പറഞ്ഞു. കുളിക്കത്തുമില്ല, നിന്നെ കണ്ടിട്ട് നാട്ടുകാര് ചിരിക്കുമെന്ന്. അതങ്ങനെ തന്നെ സംഭവിച്ചു.
വളര്ത്തി വലുതാക്കിയത് മുതല് ഉപജീവന മാര്ഗം വരെ അമ്മയുടെ സമ്മാനമായിരുന്നു, അമ്മ ചിട്ടി പിടിച്ച് നല്കിയ പണം കൊണ്ട് വാങ്ങിയ തയ്യല് മെഷീനില് നിന്നാണ് ജീവിതം തുടങ്ങുന്നത്. അമ്മയുടെ കണ്ണീരില് നിന്നാണ് താന് മലയാളികളുടെ ഇന്ദ്രന്സായി മാറിയതെന്നും താരം പറയുന്നു. നാടകം കളിച്ച് നടക്കാന് പോകുമ്ബോള് അച്ഛനറിയാതെ വേണ്ടതെല്ലാം അമ്മ തന്നിരുന്നുവെന്നും താരം പറഞ്ഞു.