പ്രേക്ഷകരുടെ പ്രിയ താരങ്ങളിൽ ഒരാളാണ് ജയസൂര്യ, താരത്തെ പോലെ തന്നെ ജയസൂര്യയുടെ മക്കളും പ്രേക്ഷർക്ക് പ്രിയപ്പെട്ടവർ തന്നെയാണ്. ഇപ്പോൾ മകളുടെ ഡാൻസിന്റെ വീഡിയോ പങ്കുവെച്ചിരിക്കുകയാണ് ജയസൂര്യ, ‘ഇഷ്ക് ദ ഏസാ പായാ ജാല്‍ സോണിയേ’ എന്ന പഞ്ചാബി ഗാനത്തിനാണ് വേദക്കുട്ടി ചുവടുവയ്ക്കുന്നത്. വളരെ മനോഹരമായിട്ടാണ് വേദ ഡാൻസ് കളിക്കുന്നത്. നിരവധി താരങ്ങൾ വേദക്കുട്ടിക്ക് ആശസകൾ നേർന്നു എത്തിയിട്ടുണ്ട്. സാനിയ ഈയപ്പന്‍, രചന നാരായണന്‍കുട്ടി, പദ്മസൂര്യ, പദ്മസൂര്യ, രതീഷ് വേഗ, രഞ്ജിത് ശങ്കര്‍ തുടങ്ങിയവര്‍ സിനിമരംഗത്തു നിന്നും വേദയ്ക്ക് അഭിനന്ദനമറിയിച്ചിട്ടുണ്ട്.
മകൾക്ക് പ്രിയപ്പെട്ട പാട്ടുകളിൽ ഒന്നാണ് ഇത് എന്ന് പറഞ്ഞാണ് ജയസൂര്യ വീഡിയോ പങ്കുവെച്ചിരിക്കുന്നത്, ജയസൂര്യക്കൊപ്പം സരിതയും വീഡിയോ പങ്കുവെച്ചിട്ടുണ്ട്. കുടുംബവിശേഷങ്ങളും കുട്ടികളുടെ കുസൃതികളുമെല്ലാം ആരാധകരോട് പങ്കുവയ്ക്കാറുണ്ട് നടന്‍ ജയസൂര്യ. ഭാര്യ സരിതയുടെ ഡിസൈനര്‍ സ്റ്റുഡിയോയുടെ മോഡല്‍ ഫോട്ടോഗ്രാഫിയും വേദ കൈകാര്യം ചെയ്യാറുണ്ട്.
അതേസമയം, ആദ്യമായി മലയാളത്തില്‍ ഓണ്‍ലൈന്‍ റിലീസിനെത്തിയ ‘സൂഫിയും സുജാതയും’ ചിത്രത്തിന്റെ ഭാഗമായ സന്തോഷത്തിലാണ് ജയസൂര്യ. മികച്ച പ്രതികരണം നേടി മുന്നേറുന്ന ചിത്രത്തില്‍ നിര്‍ണായകമായൊരു വേഷമാണ് ജയസൂര്യ കൈകാര്യം ചെയ്യുന്നത്.