അമിത് ചക്കാലക്കലും അനു സിതാരയും പ്രധാന വേഷത്തിലെത്തുന്ന പുതിയ ചിത്രമാണ് ‘സന്തോഷം’. ചിത്രത്തിന് സമ്മിശ്ര പ്രതികരണങ്ങളാണ് ലഭിക്കുന്നത്. അജിത് തോമസാണ് ചിത്രം സംവിധാനം ചെയ്യുന്നത്. കലാഭാവന്‍ ഷാജോണിന്റെ കഥാപാത്രത്തിന്റെ മകളായിട്ടാണ് അനു സിത്താര അഭിനയിക്കുന്നത്. അര്‍ജുന്‍ സത്യനാണ് ചിത്രത്തിന്റെ തിരക്കഥ എഴുതുന്നത്. കുടുംബബന്ധങ്ങളുടെ ആഴത്തെക്കുറിച്ച് പറയുന്ന ചിത്രത്തില്‍ മല്ലിക സുകുമാരന്‍, ബേബി ലക്ഷ്മി, ആശാ അരവിന്ദ് എന്നിവരും അഭിനയിക്കുന്നു. ഇപ്പോഴിതാ ചിത്രത്തെ കുറിച്ചുള്ള ഒരു കുറിപ്പാണ് ശ്രദ്ധേയമാകുന്നത്. ‘മല്ലിക സുകുമാരന്‍ ഒരു രക്ഷയും ഇല്ല..മനസില്‍ തട്ടിയ സിനിമ ! ഒന്നും പറയാനില്ലെന്നാണ് ജിതിന്‍ പങ്കുവെച്ച കുറിപ്പില്‍ പറയുന്നത്.
ഇന്നലെ തിരുവനന്തപുരം Aries Plex ല്‍ സന്തോഷം കണ്ടു. മനസിനെ തൃപ്തിപെടുത്തുന്ന സിനിമ . സഹോദരിമാരുടെ ബന്ധം എന്താണെന്ന് പടത്തിന്റെ രണ്ടാം ഭാഗത്തില്‍ കാണിച്ചു തന്നു. പ്രത്യേകിച്ച് എടുത്ത് പറയേണ്ടത് മല്ലിക സുകുമാരന്‍ ഒരു രക്ഷയും ഇല്ല! (ഇതു പോലുള്ള നല്ല വേഷങ്ങള്‍ ഇനിയും ലഭിക്കട്ടെ ) ഷാജോണ്‍ ചേട്ടന്റെ സെന്റിയൊക്കെ കിടു! ചേച്ചിയും അനിയത്തിയും പിന്നെ പറയണ്ടല്ലോ? അവരുടെ കഥയല്ലേ!
മനസില്‍ തട്ടിയ സിനിമ ! ഒന്നും പറയാനില്ല! Fully Satisfied..
വിനായക് ശശികുമാറിന്റെ വരികള്‍ക്ക് പി.എസ് ജയ്ഹരിയാണ് സംഗീതം പകര്‍ന്നിരിക്കുന്നത്. മൈസ്-എന്‍ -സീന്‍ എന്റര്‍ടെയ്ന്‍മെന്റ്‌ന്റെ ബാനറില്‍ ഇഷ പട്ടാലി, അജിത് വി തോമസ് എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. അര്‍ജുന്‍ സത്യന്‍ തിരക്കഥയും സംഭാഷണവും ഒരുക്കിയിരിക്കുന്ന ചിത്രത്തിന്റെ ഛായാഗ്രഹണം നിര്‍വ്വഹിച്ചിരിക്കുന്നത് എ. കാര്‍ത്തിക്കാണ്. ചിത്രസംയോജനം ജോര്‍ജുകുട്ടി.