ബാല്യകാലം മുതൽ തന്നെ നല്ല സുഹൃത്തുക്കൾ ആണ് നടി കീർത്തി സുരേഷും കല്യാണി പ്രിയദർശനും. ഇവരുടെ കുടുംബങ്ങൾ തമ്മിലുള്ള അടുപ്പം ഇവരിലേക്കും എത്തിച്ചു. കീര്‍ത്തിയെ കൂടാതെ പ്രണവ് മോഹന്‍ലാലാണ് കല്യാണിയുടെ ബാല്യകാലസുഹൃത്തുക്കളില്‍ ഒരാള്‍.
പ്രണവിനെ കുറിച്ച് കല്യാണി പറഞ്ഞിട്ടുള്ള കാര്യങ്ങൾ ഇങ്ങനെ”അപ്പുച്ചേട്ടനും (പ്രണവ് മോഹന്‍ലാല്‍) ഞാനും കളിക്കൂട്ടുകാരാണ്. വര്‍ഷങ്ങളായി ഞങ്ങളുടെ കുടുംബവും വളരെ അടുപ്പത്തില്‍ കഴിയുന്നവരാണ്. ഒന്നിച്ച്‌ അഭിനയിക്കുക എന്നത് വളരെ ഫണിയായൊരു കാര്യമായാണ് ഞങ്ങള്‍ക്കിരുവര്‍ക്കും തോന്നിയിട്ടുള്ളത്. ചെയ്യുന്ന കാര്യങ്ങളിലെല്ലാം വളരെ നാച്യുറല്‍ ആയ ഒരാളാണ് അപ്പുച്ചേട്ടന്‍.
ലാല്‍ മാമയുടെ ജീന്‍ അപ്പുച്ചേട്ടനും കിട്ടിയിട്ടുണ്ട്. ഡയലോഗുകളും വരികളുമൊക്കെ ഓര്‍ത്തുവെയ്ക്കാനുള്ള അപ്പുച്ചേട്ടനെ കഴിവാണ് എന്നെ അത്ഭുതപ്പെടുത്തുന്നത്. ഇതൊരു പിരീഡ് സിനിമ ആയതുകൊണ്ട് ഉപയോഗിക്കുന്ന ഡയലോഗുകളൊന്നും നമ്മള്‍ ഇപ്പോള്‍ ഉപയോഗിക്കുന്നതു പോലെയല്ല. എന്നെ സംബന്ധിച്ച്‌ അതോര്‍ത്തുവെയ്ക്കല്‍ വളരെ ബുദ്ധിമുട്ടാണ്. പക്ഷേ അപ്പുച്ചേട്ടന്‍ ഒറ്റതവണ കേള്‍ക്കുമ്ബോള്‍ തന്നെ അതെല്ലാം ഓര്‍ത്തുവെയ്ക്കും,” കല്യാണി പറയുന്നു.പ്രിയദര്‍ശന്‍ ചിത്രം ‘മരക്കാര്‍: അറബിക്കടലിന്റെ സിംഹം’ എന്ന ചിത്രത്തിലൂടെ ഈ മൂന്നുപേരും ഒന്നിച്ച്‌ സ്ക്രീനിലെത്തുകയാണ്.