അനിയത്തിപ്രാവിലൂടെ സിനിമയിലേക്ക് എത്തി ചോക്ലേറ്റ് നായകനായ ആളാണ് കുഞ്ചാക്കോ ബോബന്. മലയാളികള്ക്കെല്ലാം ഏറെ ഇഷ്ടമാണ് ചാക്കോച്ചനെ. ഒരിടവേളയ്ക്ക് ശേഷമാണ് താരം വീണ്ടും സിനിമയിലേക്ക് സജീവമായി എത്തിയത്. ഇപ്പോഴിതാ തന്റെ തിരിച്ച് വരവിനെ കുറിച്ചാണ് താരം തുറന്ന് പറയുന്നത്.
കുഞ്ചാക്കോ ബോബന്റെ വാക്കുകള്,
അനിയത്തിപ്രാവ് എന്ന ആദ്യ ചിത്രത്തിന് ശേഷം ഒരേ പോലെയുള്ള കഥാപാത്രങ്ങള് ലഭിച്ചതും സിനിമകള് പരാജയപ്പെട്ടതുമാണ് സിനിമയില് നിന്നും മാറി നില്ക്കാനുണ്ടായ കാരണം.
പലരും ചോദിച്ചിട്ടുണ്ട് എന്തുകൊണ്ടാണ് സിനിമയില് നിന്നും മാറി നില്ക്കുന്നതെന്ന്. പിന്നീട് എന്റെ ഭാര്യയാണ് ഞാന് സിനിമയിലേക്ക് വരേണ്ടയാളാണെന്ന് തിരിച്ചറിഞ്ഞത്. തിരിച്ചു വരുമ്പോള് ഒരു താരം എന്ന എന്നതിലുപരി ഒരു നടന് എന്ന നിലയില് നില്ക്കണമെന്ന് ആഗ്രഹമുണ്ടായിരുന്നു. അതിനനുസരിച്ചുള്ള മാറ്റങ്ങള്ക്കും ഞാന് തയ്യാറായിരുന്നു. ആദ്യം എന്റെ മുടിയിലോ മീശയിലൊ തൊടാന് ഞാന് അനുവദിച്ചിരുന്നില്ല. എന്നാല് രൂപഭാവങ്ങള്ക്ക് മാറ്റം വരുത്താന് തയ്യാറായാണ് തിരിച്ചുവന്നത്. തിരിച്ചുവരവില് അകല്ച്ച അനുഭവിച്ചിട്ടുണ്ട്. സിനിമയില് പലരുടെയും കൂടെ നില്ക്കുമ്പോള് ഒരു ക്ലോസപ്പ് വെയ്ക്കാന് ചിലര് മടിച്ചിട്ടുണ്ട്. വേറൊരാളിലേക്ക് ക്യാമറ തിരിച്ചുവെച്ച അവസ്ഥ ഉണ്ടായിട്ടുണ്ട്. അവര്ക്ക് ആ സമയത്ത് മറ്റ് വഴികള് ഇല്ലായിരുന്നു. അവര് ഇപ്പോള് സമീപിക്കാറുണ്ട്.