തെന്നിന്ത്യയിലെ ഏറെ ആരാധകരുള്ള ഹിറ്റ് മേക്കറാണ് സംവിധായകന് ലോകേഷ് കനകരാജ്. ഏറെ സസ്പെന്സുകള് നിലനിര്ത്തുന്നതാണ് ലോകേഷ് മാജിക്. അടുത്തിടെയാണ് ലോകേഷ് സിനിമാ നിര്മ്മാണത്തിലേക്കും കടക്കുന്നെന്ന് അറിയിച്ചത്. ‘ജി സ്ക്വാഡ’ എന്നാണ് താരത്തിന്റെ പ്രൊഡക്ഷന് ഹൗസ്. ബ്ലോക്ബസ്റ്റര് ചിത്രം ലിയോയ്ക്ക് ശേഷം താരം പുതിയ ചിത്രത്തിന്റെ പണിപ്പുരയിലാണ്.
പുതിയ ചിത്രത്തിന്റെ പണികള് ആരംഭിക്കുന്നെന്ന് സോഷ്യല് മീഡിയയിലാണ് താരം അറിയിച്ചത്. അതുകൊണ്ട് സോഷ്യല് മീഡിയയില് നിന്നും തത്കാലം ഇടവേള എടുക്കുന്നെന്ന് താരം അറിയിച്ചിരിക്കുകയാണ്.
‘ജി സ്ക്വാഡിന്റെ ബാനറില് ഞാന് നിര്മ്മിച്ച ഫൈറ്റ് ക്ലബ് എന്ന ചിത്രം സ്വീകരിച്ചതിന് നിങ്ങളോടെല്ലാവരോടും ഞാന് നന്ദി അറിയിക്കുന്നു. അതോടൊപ്പം മറ്റൊരു സുപ്രധാന കാര്യവും ഞാന് അറിയിക്കുകയാണ്. എന്റെ പുതിയ ചിത്രത്തിന്റെ പണിപ്പുരയിലേയ്ക്ക് കടക്കുന്നതിനാല് കുറച്ച് കാലത്തേയ്ക്ക് ഞാന് എല്ലാ സോഷ്യല് മീഡിയ പ്ലാറ്റ്ഫോമുകളില് നിന്നും മാറി നില്ക്കുകയാണ്.
പൂര്ണമായും പുതിയ സിനിമയുടെ പണിപ്പുരയില് ആയിരിക്കുന്നതിനാല് മൊബൈല് ഫോണിലും എന്നെ ബന്ധപ്പെടാന് സാധിക്കുകയില്ല. ഇതുവരെ എനിക്ക് നല്കിയ സ്നേഹത്തിനും പിന്തുണയ്ക്കും ഞാന് എല്ലാവരോടും നന്ദി അറിയിക്കുകയാണ്. പുതിയ ചിത്രത്തിനും നിങ്ങളുടെ സ്നേഹവും പ്രാര്ത്ഥനയും ഒപ്പമുണ്ടാകണമെന്നും ലോകേഷ് സമൂഹമാധ്യമത്തില് കുറിച്ചു.
അതേസമയം പുതിയ ചിത്രം ഏതാണെന്ന് താരം അറിയിച്ചിട്ടില്ല. എല്സിയുവില് ഒരുങ്ങുന്ന ചിത്രങ്ങള് ഒന്ന് കൈതിയുടെ രണ്ടാം ഭാഗമാണ്. മറ്റൊന്ന് രജനികാന്ത് നായകനാവുന്ന ഫാന്ബോയിയുമാണ്. ഇതില് ഏത് ചിത്രത്തിന്റെ പണിപ്പുരയിലേയ്ക്കാണ് ലോകേഷ് കടന്നിരിക്കുന്നത് എന്ന ആകാക്ഷയിലാണ് ആരാധകലോകം.