ചെയ്തുവെച്ച ഓരോ കഥാപാത്രങ്ങളെയും അതിന്റെ പൂര്‍ണതയില്‍ എത്തിച്ചിട്ടുണ്ടെങ്കില്‍..ഓരോ വേഷത്തെയും സിനിമാ പ്രേമികള്‍ ഇന്നും ഓര്‍മ്മകളില്‍ സൂക്ഷിച്ച് വെച്ചിട്ടുണ്ടെങ്കില്‍ ആ വേഷങ്ങള്‍ വെള്ളിത്തിരയില്‍ എത്തിച്ച ആ അതുല്യ പ്രതിഭയുടെ പേര് മമ്മൂട്ടി എന്ന് തന്നെയായിരിക്കണം. മലയാളികളുടെ സ്വകാര്യ അഹങ്കാരമാണ് മമ്മൂക്ക. അഭിനയ ജീവിതത്തില്‍ അമ്പതാണ്ടുകള്‍ പിന്നിടുന്ന ഈ താരം ഇതിനോടകം തന്നെ ഒരുപാട് ജിവനുള്ള കഥാപാത്രങ്ങളെ ആരാധകര്‍ക്കിടയില്‍ സൃഷ്ടിച്ച് കഴിഞ്ഞു.
ഇപ്പോഴിതാ അദ്ദേഹത്തിന്റെ പ്രേക്ഷകര്‍ ഏറെ ഇഷ്ടപ്പെടുന്ന ചില കഥാപാത്രങ്ങളെയും ഭാവങ്ങളെയും കോര്‍ത്തിണക്കിയുള്ള ഒരു വീഡിയോ ആണ് സോഷ്യല്‍ മീഡിയയില്‍ വൈറലായി മാറുന്നത്. ഭാവങ്ങള്‍ ഏതുമാകട്ടെ അതെല്ലാം ഈ കൈകകളില്‍ ഭദ്രമാണെന്ന് ഒരിക്കല്‍ കൂടി ആ വീഡിയോ പ്രേക്ഷകരെ ഓര്‍മ്മിപ്പിക്കുകയാണ്. നടന്‍ അജു വര്‍ഗീസാണ് തന്റെ സോഷ്യല്‍ മീഡിയ പേജ് വഴി ഈ വീഡിയോ പങ്കുവെച്ചത്.
https://www.instagram.com/reel/CZt6SzCpwOU/?utm_source=ig_web_copy_link
പിന്നീട് ആരാധകരും ഈ വീഡിയോ ഏറ്റെടുത്തു. തമിഴ് ആന്തോളജി ചിത്രം നവരസയുടെ സംഗീതമാണ് വീഡിയോയ്ക്ക് നല്‍കിയിരിക്കുന്നത്. മാജിക്കല്‍ എന്ന തലക്കെട്ടോടെയാണ് അജു വീഡിയോ പങ്കുവച്ചത്. നിരവധിപ്പേരാണ് ഈ വീഡിയോയ്ക്ക് കമന്റുകളുമായി എത്തുന്നത്. ശൃങ്കാരം, ഹാസ്യം, കരുണം, രൗദ്രം, വീരം, ഭയാനകം, ഭീഭത്സം, അത്ഭുതം, ശാന്തം
എന്നീ നവരസങ്ങളും തന്റെ കഥാപാത്രത്തിലേക്ക് ആവാഹിച്ചെടുത്ത അദ്ദേഹത്തിന്റെ വീഡിയോ ആരാധകര്‍ ഇരുകൈയ്യും നീട്ടി സ്വീകരിക്കുകയാണ്. ഇപ്പോഴും പുതിയ പുതിയ കഥാപാത്രങ്ങളെ തന്റെ പ്രേക്ഷകര്‍ക്ക് സമ്മാനിക്കാനുള്ള തിരക്കിലാണ് മമ്മൂക്ക.
