ഇന്ദ്രജിത്ത് സുകുമാരനെ നായകനാക്കി അരുണ് ബോസ് സംവിധാനം ചെയ്യുന്ന പുതിയ ചിത്രമാണ് മാരിവില്ലിന് ഗോപുരങ്ങള്. ശ്രുതി രാമചന്ദ്രന്, സര്ജാനോ ഖാലിദ്, വിന്സി അലോഷ്യസ് എന്നിവരാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. കോക്കേഴ്സ് മീഡിയ എന്റര്ടെയ്ന്മെന്റിന്റെ ബാനറില് എത്തുന്ന ഫാമിലി എന്റര്ടെയ്നര് ആണ് ‘മാരിവില്ലിന് ഗോപുരങ്ങള്’.
ചിത്രത്തിന്റെ ടീസര് പുറത്തുവിട്ടിരിക്കുകയാണ് അണിയറപ്രവര്ത്തകര്. തീര്ത്തുമൊരു ഫാമിലി എന്റര്ടെയിനര് തന്നെയായിരിക്കുമെന്ന് ടീസര് വ്യക്തമാക്കുന്നു. മലയാള സിനിമക്ക് ഒരുപാട് ഹിറ്റുകള് സമ്മാനിച്ച വിദ്യാസഗറാണ് ചിത്രത്തിന്റെ സംഗീത സംവിധാനം. ചിത്രത്തിന്റെ മ്യൂസിക് റൈറ്റ്സ് സ്വന്തമാക്കിയിരിക്കുന്നത് മ്യൂസിക് 247 ആണ്.
ലൂക്ക, മിണ്ടിയും പറഞ്ഞും എന്നീ ചിത്രങ്ങള്ക്ക് ശേഷം അരുണ് ബോസ് സംവിധാനം ചെയ്യുന്ന ചിത്രമാണ് ചിത്രത്തിന്റെ കഥ ഒരുക്കിയിരിക്കുന്നത് സംവിധായകനും, പ്രമോദ് മോഹനും ചേര്ന്നാണ്. വിനായക് ശശികുമാറിന്റെതാണ് വരികള്. ശ്യാമപ്രകാശ്. എം.എസ്. ഛായാഗ്രഹണം നിര്വ്വഹിക്കുന്ന ചിത്രത്തിന്റെ ചിത്രസംയോജനം ഷൈജല് പി.വിയും, അരുണ് ബോസും ചേര്ന്നാണ് കൈകാര്യം ചെയ്യുന്നത്. ക്രിയേറ്റീവ് പ്രൊഡ്യൂസര്: കെ.ആര്. പ്രവീണ്, കോ -ഡയറക്ടര്: പ്രമോദ് മോഹന്, പ്രൊജക്ട് ഡിസൈനര്: നോബിള് ജേക്കബ്, കലാസംവിധാനം: അനീസ് നാടോടി, വസ്ത്രാലങ്കാരം: ഗായത്രി കിഷോര്, മേക്കപ്പ്: ജിതേഷ് പൊയ്യ, സൗണ്ട് ഡിസൈന്: ജോബി സോണി തോമസ് ആന്ഡ് പ്രശാന്ത് പി. മേനോന്, ചീഫ് അസോസ്സിയേറ്റ് ഡയറക്ടര്: രാജേഷ് അടൂര്, കാസ്റ്റിംങ് ഡയറക്ടര്: ശരണ് എസ്.എസ്., പി.ആര്.ഒ.: പി. ശിവപ്രസാദ്, സ്റ്റില്സ്: സേതു അത്തിപ്പിള്ളില്, ഡിസൈന്സ്: റിഗെയില് കോണ്സപ്റ്റ്സ്, പബ്ലിസിറ്റി: ഹൈപ്പ് എന്നിവരാണ് മറ്റ് അണിയറയിലുള്ളവര്.