നന്ദനം. ഇഷ്ടം, മഴത്തുള്ളിക്കിലുക്കം തുടങ്ങി മികച്ച സിനിമകളിലൂടെ മലയാളത്തിന്റെ പ്രിയ താരമായ നടിയാണ് നവ്യ നായർ. സിനിമയിൽ നിന്ന് വിവാഹശേഷം ഇടവേളയെടുത്തെങ്കിലും താരം അടുത്തിടെ തിരിച്ച് വരവ് നടത്തിയിരുന്നു. ടെലിവിഷൻ റിയാലിറ്റി ഷോകളിലടക്കം ഇപ്പോൾ നവ്യ നിറ സാന്നിധ്യമാണ്. ഇപ്പോൾ നവ്യ സോഷ്യൽ മീഡിയയിൽ പോസ്റ്റ് ചെയ്ത ഒരു വീഡിയോ ആണ് വൈറലാകുന്നത്.
മഞ്ഞിൽ വ്യത്യസ്തമായൊരു സ്കേറ്റിംഗ് നടത്തുന്ന താരത്തെ വീഡിയോയിൽ കാണാം. വലിയ ടയർ ട്യൂബിനുള്ളിലിരുന്നാണ് താരത്തിന്റെ മഞ്ഞ് യാത്ര. ”ഭയത്തിന്റെ കുശുകുശുപ്പുകൾക്ക് നടുവിൽ ഒറ്റയ്ക്ക് യാത്ര തുടങ്ങുന്നു. ജീവിതത്തിന്റെ ക്യാൻവാസ് കാത്തിരിക്കുന്നു, അധ്വാനം മാത്രമല്ല, പ്രിയപ്പെട്ട ഓർമ്മകൾ…ഈ ക്ഷണിക നിമിഷത്തിൽ, സമയത്തിന്റെ സൗമ്യമായ ആതിഥേയൻ…നിങ്ങളുടെ അഭിനിവേശങ്ങളെ പിന്തുടരുക. എന്നെ സംബന്ധിച്ചിടത്തോളം ഇത് അലഞ്ഞുതിരിയലാണ്, വിതയ്ക്കാൻ തുടങ്ങിയിരിക്കുന്നു…യാത്രയുടെ ആലിംഗനത്തിൽ എന്റെ ആത്മാവ് വളരും…” എന്ന ക്യാപ്ഷനും നൽകിയാണ് നവ്യ വീഡിയോ പോസ്റ്റ് ചെയ്തിട്ടുള്ളത്. ”ഞാൻ ആവശ്യപ്പെട്ടപ്പോൾ സന്തോഷത്തോടെ വീഡിയോ എടുത്തതിന് ആരോണിന് നന്ദി…” എന്നും താരം കുറിച്ചു.