ഇഷ്ടം എന്ന സിനിമ മുതല് ഒരുത്തീ എന്ന സിനിമ വരെ എത്തിനില്ക്കുന്ന നവ്യയുടെ അഭിനയജീവിത യാത്രയില് പ്രേക്ഷകര് നല്കിയ പിന്തുണ വളരെ വലുതാണ്. വിവാഹ ശേഷം അഭിനയ രംഗത്ത് നിന്ന് വിട്ടുനിന്ന നവ്യ ശക്തമായൊരു തിരിച്ചു വരവാണ് നടത്തിയിരിക്കുന്നത്. താരത്തിന്റെ ഏറ്റവും പുതിയ സിനിമ ഒരുത്തീ മികച്ച പ്രതികരണം നേടി തീയറ്ററുകളില് പ്രദര്ശനം തുടരുകയാണ്. വിവാഹ ശേഷം നടി തിരികെ എത്തിയത് സീന് ഒന്ന് നമ്മുടെ വീട് എന്ന ചിത്രത്തിലൂടെ ആയിരുന്നു. എന്നാല് ഒരുത്തീയിലെ നടിയുടെ കഥാപാത്രം ജനശ്രദ്ധ നേടുകയാണ്.
തിരിച്ചു വരവിന് മുന്പും സോഷ്യല് മീഡിയ പ്ലാറ്റ്ഫോമിലും ടെലിവിഷന് പരിപാടികളിലും താരം സജീവമായി തുടങ്ങിയിരുന്നു. അതിനിടെയാണ് നവ്യയുടെ വിവാഹ മോചന വാര്ത്തകള് പുറത്ത് വന്നത്. മകന്റെ പിറന്നാള് ആഘോഷത്തിനും പുത്തന് കാറ് വാങ്ങിയപ്പോഴും എല്ലാം താരം ആ വിശേഷങ്ങളും സന്തോഷവും ആരാധകരുമായി പങ്കുവെച്ചിരുന്നു. ആ ഫോട്ടോകളിലൊന്നും നവ്യയുടെ ഭര്ത്താവായ സന്തോഷിനെ കാണാത്തതാണ് ഇരുവരും വിവാഹ മോചനത്തിന് തയ്യാറാകുന്നു എന്ന വാര്ത്തകള് പ്രചരിക്കാന് കാരണമായത്.
എന്നാന് മുംബയില് ജോലി തിരക്കുകളില് ആയതിനാല് സന്തോഷിന് ആഘോഷങ്ങളില് പങ്കെടുക്കാന് ആയില്ല എന്നതാണ് സത്യാവസ്ഥ. ഇത്തരം വാര്ത്തകളോട് നവ്യയുടെ പ്രതികരണം ഇങ്ങനെയായിരുന്നു… അത്തരം വാര്ത്തകള്ക്ക് ആവശ്യക്കാരുണ്ടെന്ന് തോന്നുമ്പോളാണ് അത് കയറിക്കാണുക. കൗതുകമുള്ള ഒരു വാര്ത്തയായതുകൊണ്ട് കൂടുതല് പേര് അതുകാണും.
https://www.instagram.com/p/CWkS6wMPDjp/?utm_source=ig_web_copy_link
മകന്റെ പിറന്നാളിന് വണ്ടി വാങ്ങിയപ്പോഴും, പിറന്നാളിനുമിട്ട ചിത്രങ്ങളില് ഭര്ത്താവുണ്ടായിരുന്നില്ല. ഈ മൂന്നു ചിത്രങ്ങളും ചേര്ത്തുവച്ചാണ് വിവാഹമോചന പ്രചാരണങ്ങള് പുറത്ത് വന്നത്. എന്നാല് അത് കഴിഞ്ഞ് ചേട്ടല് വീട്ടില് എത്തിയിരുന്നു. എല്ലാവരും ഒത്തുചേര്ന്ന് ഒരു ആഘോഷമായിരുന്നു. പിന്നെ അച്ഛന് ബലിയുമിട്ടാണ് ഭര്ത്താവ് മുംബൈയിലേക്ക് മടങ്ങിയത്. ഇതെല്ലാമെങ്ങനെ ആളുകളെ പറഞ്ഞ് മനസിലാക്കും. വാര്ത്തയ്ക്കു വേണ്ടിയുള്ള കാര്യങ്ങളെന്ന നിലയില് മാത്രമേ ഇക്കാര്യങ്ങളെ കാണുന്നുള്ളൂ. ആരും എന്നെ മോശക്കാരിയാക്കാനാണ് വാര്ത്തകള് ഇടുന്നതെന്ന് കരുതുന്നില്ല എന്നും താരം കൂട്ടിച്ചേര്ക്കുന്നു.