തങ്ങളുടെ പൊന്നാമനകളായ ഇരട്ടകുഞ്ഞുങ്ങളുമായി വിമാനത്താവളത്തിലെത്തിയ നയൻതാരയുടെയും വിഘ്‌നേശ് ശിവന്റെയും വിഡിയോ സമൂഹമാധ്യമങ്ങളിൽ വൈറലാകുന്നു. ഉയിരിനും ഉലകത്തിനുമൊപ്പം മുംബൈ വിമാനത്താവളത്തിൽ എത്തിയതായിരുന്നു നയൻതാരയും വിഘ്‌നേശ് ശിവനും. കുഞ്ഞിനെ ചേർത്തുപിടിച്ച നയൻതാര അവരുടെ മുഖം ക്യാമറകളിൽ നിന്നും മറച്ചുപിടിച്ചാണ് ക്യാമറകളുടെ മുന്നിലൂടെ കടന്നുപോയത്.
അറ്റ്‌ലി സംവിധാനം ചെയ്യുന്ന ഷാറുഖ് ഖാൻ നായകനാകുന്ന ജവാൻ സിനിമയുടെ ചിത്രീകരണവുമായി ബന്ധപ്പെട്ട് മുംബൈയിൽ എത്തിയതായിരുന്നു നയൻതാര.മുംബൈയിൽ നിന്നും ചെന്നൈയ്ക്കു മടങ്ങുന്നതിനായാണ് മുംബൈ വിമാനത്താവളത്തിൽ ഇരുവരും എത്തിയത്.
ജവാൻ സിനിമയിലൂടെ ബോളിവുഡിൽ അരങ്ങേറ്റം കുറിക്കുകയാണ് നയൻതാര
അറ്റ്‌ലീ സംവിധാനം ചെയ്യുന്ന ചിത്രത്തിൽ വിജയ് സേതുപതി വില്ലൻ വേഷത്തിലെത്തുന്നു. അനിരുദ്ധ് ആണ് സംഗീതം.ഇക്കഴിഞ്ഞ ഒക്ടോബർ ഒൻപതിനാണ് ഇരുവർക്കും ഇരട്ട കുട്ടികൾ ജനിച്ചത്. സറോഗസിയിലൂടെയാണ് നയൻതാരയും വിഘ്നേഷ് ശിവനും കുഞ്ഞുങ്ങൾക്ക് ജന്മം നൽകിയത്. ആറ് വർഷം മുമ്ബ് തന്നെ വിവാഹം രജിസ്റ്റർ ചെയ്ത ശേഷമാണ് ഇരുവരും സറോഗസിക്കായുള്ള കാര്യങ്ങൾ തുടങ്ങിയത്