സാമ്പത്തിക ലാഭം ലക്ഷ്യമിട്ട് കൊണ്ട് രാജ്യത്തെ മുൻനിര ടെലികോം കമ്പനികൾ നിരക്ക് വർധന നടപ്പിലാക്കിയിരിക്കുകയാണ്. ജിയോ, എയർടെൽ, വിഐ എന്നീ കമ്പനികളാണ് 20 മുതൽ 25 ശതമാനം വരെ നിരക്കുകൾ ഉയർത്തിയിരിക്കുന്നത്. ഇതോടെ ഉപഭോക്താക്കൾ ആകെ പ്രതിസന്ധിയിലുമാണ് ഇപ്പോൾ. പെട്ടെന്നുണ്ടായ ഈ നിരക്ക് വർധനവിനെ എങ്ങനെ മറികടക്കും എന്നാണ് അവർ ആലോചിക്കുന്നത്. ജൂലൈ മൂന്ന് മുതൽ ഈ നിരക്ക് വർധന നടപ്പിലായി കഴിഞ്ഞിരിക്കുന്നു. അതുകൊണ്ട് തന്നെ ഈ കമ്പനികളിൽ ഏറ്റവും മികച്ച പ്ലാനുകൾ ഏതിലാണ് നൽകുന്നത് എന്നതാണ് ഇനി ഉപയോക്താക്കൾ അറിയേണ്ടത്. അത്തരത്തിൽ നോക്കുമ്പോൾ ഇന്ത്യയിലെ ഏറ്റവും കൂടുതൽ ഉപഭോക്താക്കൾ ആശ്രയിക്കുന്ന കമ്പനിയായ ഭാരതി എയർടെൽ ധാരാളം ഓഫറുകൾ പ്രദാനം ചെയ്യുന്നുണ്ട്. രാജ്യത്ത് ഏറ്റവും മികച്ചതും കാര്യക്ഷമവുമായ 5ജി സേവനം ലഭ്യമാക്കുന്ന കമ്പനികളിൽ ഒന്നാണ് എയർടെൽ. നിലവിൽ ഉപഭോക്താക്കളുടെ എണ്ണത്തിലും എയർടെൽ ആദ്യ സ്ഥാനങ്ങളിൽ തന്നെയുണ്ട്. അത്തരത്തിൽ പ്രീപെയ്ഡ് ഉപഭോക്താക്കൾക്ക് വേണ്ടി ധാരാളം ഓഫറുകൾ കമ്പനി ഒരുക്കിയിട്ടുണ്ട്.
അവയിൽ ചിലത് ഏതൊക്കെയെന്ന് നോക്കാം. പ്രതിദിനം 2 ജിബി വാഗ്ദാനം ചെയ്യുന്ന എയർടെൽ പ്രീപെയ്ഡ് പ്ലാനുകളിൽ 379 രൂപ, 649 രൂപ, 979 രൂപ, 1029 രൂപ, 3599 രൂപ എന്നിവ ഉൾപ്പെടുന്നു. 2 ജിബി പ്രതിദിന വിഭാഗത്തിലെ എൻട്രി ലെവൽ പ്ലാൻ 1 മാസത്തെ വാലിഡിറ്റിയുള്ള 379 രൂപ പ്ലാനാണ്. പ്രതിദിനം 2ജിബി പ്ലാനുകൾ 379 രൂപ (1 മാസത്തെ വാലിഡിറ്റി), 649 രൂപ (56 ദിവസത്തെ വാലിഡിറ്റി), 979 രൂപ (എയർടെൽ എക്സ്ട്രീം പ്ലേ പ്രീമിയത്തിനൊപ്പം 84 ദിവസത്തെ വാലിഡിറ്റി 84 ദിവസത്തേക്ക്, റിവാർഡ്സ് മിനി സബ്സ്ക്രിപ്ഷൻ) എന്നിവ ആയിരം രൂപയ്ക്ക് താഴെ വരുന്നവയാണ്. ഇതിന് മുകളിൽ കൂടുതൽ കാലാവധിയുള്ള മറ്റ് ഓഫറുകളും എയർടെൽ ഉപഭോക്താക്കൾക്കായി ഒരുക്കിയിട്ടുണ്ട്. 1029 രൂപയ്ക്ക് (ഡിസ്നി + ഹോട്ട്സ്റ്റാറിനൊപ്പം 84 ദിവസത്തെ വാലിഡിറ്റി, 3 മാസത്തേക്കുള്ള മൊബൈൽ, റിവാർഡ്സ് മിനി സബ്സ്ക്രിപ്ഷൻ). 3599 രൂപ (365 ദിവസത്തെ സാധുതയുള്ള പ്ലാൻ) എന്നിവയെല്ലാം അൺലിമിറ്റഡ് 5ജി ആനുകൂല്യങ്ങൾ നൽകുന്ന പ്ലാനുകളാണ്. മേൽ പറഞ്ഞവ എല്ലാം ദിവസം 2 ജിബി ഡാറ്റയോട് കൂടി വരുന്നവ മാത്രമാണ്. പ്രതിദിനം 2.5 ജിബി വാഗ്ദാനം ചെയ്യുന്ന എയർടെൽ പ്രീപെയ്ഡ് പ്ലാനുകളിൽ 409 രൂപ, 429 രൂപ, 1199 രൂപ, 3999 രൂപ എന്നിവയും ഉൾപ്പെടുന്നു. ഇതിലെ എൻട്രി ലെവൽ പ്ലാൻ 409 രൂപയുടേതാണ്.
പ്രതിദിനം 2.5 ജിബി കിട്ടുന്ന പ്ലാൻ 409 രൂപയുടേതാണ് (5 രൂപ ടോക്ക് ടൈം, 28 ദിവസത്തെ എയർടെൽ എക്സ്ട്രീം പ്ലേ പ്രീമിയത്തിൽ 28 ദിവസത്തെ വാലിഡിറ്റിയും നൽകുന്നുണ്ട്. 429 രൂപയ്ക്ക് (5 രൂപ ടോക്ക് ടൈം , ഒരു മാസത്തെ വാലിഡിറ്റി) എന്നിവയും ലഭിക്കും ഇവയെല്ലാം ആയിരം രൂപയിൽ താഴെ ചിലവ് വരുന്ന പ്ലാനുകളാണ്. ആയിരം രൂപയ്ക്ക് മുകളിലോട്ടുള്ള നിരക്കുകളുടെ പ്ലാനുകൾ ആണെങ്കിൽ 1199 രൂപയ്ക്ക് (ആമസോൺ പ്രൈമിനൊപ്പം 84 ദിവസത്തെ വാലിഡിറ്റി, 84 ദിവസത്തേക്ക് എയർടെൽ എക്സ്ട്രീം പ്ലേ പ്രീമിയം, നെറ്റ്ഫ്ലിക്സ് ബേസിക് എന്നിവ ലഭ്യമാകും 3999 രൂപയ്ക്ക് (ഡിസ്നി+ ഹോട്ട്സ്റ്റാർ മൊബൈലിനൊപ്പം 365 ദിവസത്തെ വാലിഡിറ്റി ഒരു വർഷത്തേക്ക്) എന്നിവയെല്ലാം അൺലിമിറ്റഡ് 5ജി ആനുകൂല്യങ്ങളോടെ വരുന്ന എയർടെൽ പ്രീപെയ്ഡ് പ്ലാനുകളാണ്. കൂടാതെ മൂന്ന് ജിബി പ്രതിദിനം വാഗ്ദാനം ചെയ്യുന്ന എയർടെൽ പ്രീപെയ്ഡ് പ്ലാനുകളുമുണ്ട്. ഈ പ്ലാനുകളിൽ 449 രൂപ, 549 രൂപ, 838 രൂപ, 1798 രൂപ എന്നിവ ഉൾപ്പെടുന്നു. പ്രതിദിനം 3 ജിബി വിഭാഗത്തിലെ എൻട്രി ലെവൽ പ്ലാൻ 28 ദിവസത്തെ വാലിഡിറ്റിയുള്ള 449 രൂപ പ്ലാനാണ്. പിന്നീട് അധിക ആനുകൂല്യങ്ങളോടെ മറ്റുളവയും ലഭ്യമാവുന്നു.
