അവതാരികയായും പിന്നീട് ബിഗ് ബോസിലെ മിന്നുന്ന പ്രകടനങ്ങളിലൂടെയും പേളി മാണി മലയാളികൾക്ക് പ്രിയപ്പെട്ടവളാകുന്നത്. ബിഗ് ബോസിലൂടെ പ്രണയിച്ച വിവാഹിതരായ പേളിയും ശ്രീനിഷിനും ഒരുപാട് ആരാധകരുണ്ട്. ഇരുവരുടെയും മകളായ നില ബേബിയും ഒരു കൊച്ച് സൂപ്പർ സ്റ്റാർ തന്നെയാണ്. നിലയ്ക്ക് കൂട്ടായി ഒരാൾ കൂടി എത്തുകയാണെന്ന് പേളി മുമ്പ് അറിയിച്ചിരുന്നു. ആദ്യത്തെ മൂന്ന് മാസം അസ്വസ്ഥതകളുണ്ടായിരുന്നുവെന്നും വീഡിയോ ഒന്നും എടുക്കാൻ സാധിക്കുന്ന അവസ്ഥയിൽ അല്ലായിരുന്നുവെന്നും പേളി പറഞ്ഞിരുന്നു.
ഇപ്പോൾ പ്രസവദിനം അടുക്കുമ്പോൾ ഏറ്റവും അത്യാവശ്യം വേണ്ട കാര്യങ്ങളുടെ വിവരങ്ങൾ പങ്കുവെച്ചാണ് പേളി വീഡിയോ ചെയ്തിട്ടുള്ളത്.
ഹോസ്പിറ്റൽ ബാഗ് പാക്ക് ചെയ്യുന്ന വീഡിയോയാണ് ഏറ്റവും ഒടുവിൽ പങ്കുവെച്ചത്. നിലയുടെ പ്രസവസമയത്ത് ബാഗ് പാക്ക് ചെയ്തപ്പോൾ കൂടെയുണ്ടായിരുന്ന ശ്രുതിയും സഹോദരി റേച്ചലും തന്നെയാണ് ഇത്തവണയും പേളിക്ക് കൂട്ടായുള്ളത്. ആവശ്യമുള്ള വസ്ത്രങ്ങളും മേക്കപ്പ് കിറ്റും സഹിതം എല്ലാ ഒരുക്കങ്ങളും പേളി നടത്തുന്നുണ്ട്.
ഹോസ്പിറ്റൽ ബാഗ് ആണ് തയാറാക്കുന്നതെങ്കിലും ഇതിൽ ആശുപത്രിയിലേക്കുള്ള കാര്യങ്ങൾ എവിടെയെന്നാണ് റേച്ചൽ ചോദിക്കുന്നത്. പേളിയുടെ പാക്കിംഗ് കണ്ടിട്ട് ഇത് ഹോസ്പിറ്റൽ ബാഗ് ലിസ്റ്റല്ല, പിക്നിക് ലിസ്റ്റ് ആണെന്നാണ് റേച്ചലിന്റെ കമന്റ്. എല്ലാം പാക്ക് ചെയ്ത് അവസാനം നിലു ബേബിയെയും പേളി കാണിക്കുന്നുണ്ട്. നിലുവിനെ എന്തായാലും ആശുപത്രിയിൽ കൊണ്ടുപോകുമെന്നാണ് പേളി പറയുന്നത്.