മലയാളികളുടെ പ്രിയപ്പെട്ട നടിയാണ് രംഭ. ഇപ്പോള്‍ അഭിനയത്തില്‍ സജീവമല്ലെങ്കിലും താരത്തിന്റെ വിശേഷങ്ങള്‍ അറിയാന്‍ ആരാധകര്‍ക്ക് ഏറെ ഇഷ്ടമാണ്. കുടുംബത്തോടൊപ്പം കാനഡയിലാണ് താരം താമസം. ഇപ്പോഴിതാ ഒരു ഇടവേളയ്ക്ക് ശേഷം കുടുംബത്തോടൊപ്പം ഒരു ട്രിപ്പ് പോയതിന്റെ സന്തോഷം പങ്കുവച്ചിരിക്കുകയാണ് രംഭ.
ഇതിന്റെ ചിത്രങ്ങള്‍ രംഭ തന്റെ ആരാധകരുമായി പങ്കുവച്ചു. നീണ്ട ഇടവേളയ്ക്ക് ശേഷം ബഹാമസിലേക്ക് ഒരു ഫാമിലി ട്രിപ്പ്.. രസകരമായ നിമിഷങ്ങള്‍.. ഇതായിരുന്നു ചിത്രത്തിനൊപ്പം താരം കുറിച്ചത്. ഡോള്‍ഫിനുകള്‍ക്ക് ഒപ്പം കളിക്കുന്ന ചിത്രങ്ങളും രംഭ പങ്കുവച്ചിട്ടുണ്ട്.
2011 ലായിരുന്നു രംഭയുടെ വിവാഹം. വിവാഹ ശേഷം ചില ചാനലുകളിലെ റിയാലിറ്റി ഷോകളില്‍ ജഡ്ജായി എത്തിയെങ്കിലും സിനിമകളിലൊന്നും അധികം സജീവമായിരുന്നില്ല രംഭ. കാനഡയിലെ ബിസിനസുകാരനായ ശ്രീലങ്കന്‍ സ്വദേശി ഇന്ദ്രകുമാര്‍ പദ്മനാഭനാണ് താരത്തിന്റെ ഭര്‍ത്താവ്. രണ്ട് പെണ്‍കുട്ടികളും ഒരു ആണ്‍കുട്ടിയുമാണ് ഇവര്‍ക്കുള്ളത്.
മലയാളത്തില്‍ ആകെ എട്ട് സിനിമകളിലാണ് താരം അഭിനയിച്ചിട്ടുള്ളത്. തമിഴിലും തെലുങ്കിലുമാണ് രംഭ കൂടുതലായി അഭിനയിച്ചിട്ടുള്ളത്. ഇത് കൂടാതെ കന്നഡ, ഹിന്ദി, ബംഗാളി, ഭോജ്പുരി, ഇംഗ്ലീഷ് തുടങ്ങിയ ഭാഷകളിലും രംഭ അഭിനയിച്ചിട്ടുണ്ട്.