സീരിയൽ ആർട്ടിസ്റ്റ് എന്നതിനുപരിയായി, ബിഗ് ബോസ് മലയാളം സീസൺ 5 ലൂടെ മലയാളി പ്രേക്ഷകരുടെ ഒന്നടങ്കം മനം കവർന്ന താരമാണ് റെനീഷ്. താരത്തിന്റെ ഓരോ വിശേഷങ്ങളും ആഘോഷമാക്കി കൊണ്ടിരിക്കുകയാണ് റെനീഷയുടെ ആരാധകർ.
ബിഗ് ബോസ് മലയാളം സീസൺ 5 ൽ ഫസ്റ്റ് റണ്ണറപ്പായത് റെനീഷ് ആയിരുന്നു. ബിഗ് ബോസ് വീടിനുള്ളിൽ ഒറിജിനലായി നിന്ന് മത്സരിച്ച വ്യക്തി കൂടിയാണ് റെനീഷ്. ഇപ്പോൾ തന്റെ ജന്മദിനം കുടുംബത്തോടൊപ്പം ആഘോഷമാക്കുകയാണ് താരം.
തന്റെ ചേട്ടന്റെ കുട്ടികൾക്കൊപ്പം കേക്ക് കട്ട് ചെയ്യുന്ന റെനീഷയുടെ ചിത്രങ്ങൾ ഇതിനോടകം തന്നെ ഏവരും ഏറ്റെടുത്തിരിക്കുകയാണ്. ബിഗ് ബോസ് താരങ്ങളും ആരാധകരും മറ്റ് താരങ്ങളുമെല്ലാം റെനീഷയ്ക്ക് ആശംസകളുമായി എത്തുകയും ചെയ്തിട്ടുണ്ട്.
