ഷൂട്ടിംഗ് സെറ്റില്‍ ആത്മഹത്യ ചെയ്ത സീരിയല്‍ നടി ടുണിഷ ശര്‍മ്മയുടെ അന്ത്യകര്‍മ്മത്തിന് എത്തി തളര്‍ന്ന് വീണ് നടന്‍ ഷീസാന്‍ ഖാന്റെ അമ്മയും സഹോദരിമാരും. ടുണിഷയുടെ മരണവുമായി ബന്ധപ്പെട്ട് അറസ്റ്റിലാണ് സഹനടനായ ഷീസാന്‍ ഖാന്‍
ടുണിഷയുടെ മൃതദേഹം കണ്ട ഷീസാന്‍ ഖാന്റെ സഹോദരി ഫലഖ് നാസ് തളര്‍ന്നു വീണുവെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. ടുണിഷയുടെ മുഖം അവസാനമായി കണ്ട് പൊട്ടികരയുന്ന ഷീസന്‍ ഖാന്റെ സഹോദരിമാരായ ഷഫാഖ് നാസ്, ഫലഖ് നാസും അവരുടെ അമ്മയുടെയും വീഡിയോകള്‍ വൈറലായിരിക്കുകയാണ്.
ഷീസാനും തുനിഷയും പ്രണയത്തിലായിരുന്നുവെന്നത് താരങ്ങളുടെ കുടുംബത്തിനും അറിയാമായിരുന്നു. എന്നാല്‍ ആഴ്ചകള്‍ക്ക് മുന്‍പ് ഇവര്‍ ബന്ധം പിരിഞ്ഞത് അടുപ്പമുളളവര്‍ക്ക് പോലും അറിയില്ലായിരുന്നു.
അതേസമയം ടുണിഷയുമായി പ്രണയം ബന്ധം വേര്‍പെടുത്താന്‍ കാരണം ശ്രദ്ധാവാക്കര്‍ കൊലക്കേസൊണെന്ന് നടന്‍ ഷീസാന്‍ ഖാന്‍ പറഞ്ഞതായി റിപ്പോര്‍ട്ടുകളുണ്ടായിരുന്നു. രണ്ട് പേരും വ്യത്യസ്തമതക്കാരായാണ് പ്രശ്‌നമെന്ന് ഷീസന്‍ പറഞ്ഞതായിട്ടായിരുന്നു റിപ്പോര്‍ട്ടുകള്‍.
ശ്രദ്ധാവാക്കര്‍ കൊലപാതകം നടന്നതിന് പിന്നാലെ രണ്ട് മതസ്ഥര്‍ വിവാഹം ചെയ്യുന്നതിനെതിരെ പൊതു വികാരം ഉണ്ടായത് ഭയന്നാണ് ബന്ധത്തില്‍ നിന്ന് പുറകോട്ട് പോയതെന്നും നടന്‍ പോലീസിന് മൊഴി നല്‍കിയിരുന്നു.
അതേസമയം, ടുണിഷയുടെ അമ്മ വനിതയുടെ പരാതിപ്രകാരമാണ് നടനെ അറസ്റ്റ് ചെയ്തത്. മറ്റൊരു ബന്ധമുണ്ടായിരുന്ന നടന്‍ അത് മറച്ച് വച്ച് ടൂണിഷ്യക്ക് വിവാഹ വാഗ്ദാനം നല്‍കി. എന്നാല്‍ 16 ദിവസങ്ങള്‍ക്ക് മുന്‍പ് ബന്ധത്തില്‍ നിന്ന് നടന്‍ പിന്മാറിയെന്നും ഇത് മകളെ വിഷാദത്തിലാക്കിയെന്നുമാണ് പരാതി.