സീരിയലുകളിലെ മികച്ച വേഷങ്ങളിലൂടെ താരമായി മാറിയ നടിയാണ് സ്റ്റെഫി ലിയോൺ. സംവിധായകൻ കൂടിയായ ലിയോൺ കെ തോമസിന്റെ ഭാര്യയാണ് സ്റ്റെഫി. ഷൂട്ടിംഗ് ലൈക്കേഷനുകളിലെ ചിത്രങ്ങളും വീഡിയോകളും സ്റ്റെഫി സോഷ്യൽ മീഡിയയിൽ പങ്കുവയ്ക്കാറുണ്ട്. ഇപ്പോൾ തന്നെ അഭിനയ കരിയറിലെ ഏറ്റവും വലിയ റിസ്ക്കും മികച്ച പ്രകടനവും കഠിനാധ്വാനവും വ്യക്തമാക്കുന്ന ഒരു വീഡിയോ ആണ് സ്റ്റെഫി പോസ്റ്റ് ചെയ്തിട്ടുള്ളത്. ആക്സിഡന്റ് സീന്റെ ഷൂട്ടിംഗിൽ എല്ലാം മറന്ന് കൊണ്ട് അസാമാന്യ പ്രക‌ടനമാണ് സ്റ്റെഫി കാഴ്ചവയ്ക്കുന്നത്.
വാഹനം ഇടിക്കുന്നതും തെറിച്ച് വീഴുന്നതും റോഡിലൂടെ നിരങ്ങി പോകുന്നതുമെല്ലാം കൃത്യമായി തന്നെ വീഡിയോയിൽ കാണാം. അഭിനയം പാഷനായി എടുക്കുന്നയാൾക്ക് എത്ര ബുദ്ധിമുട്ട് സഹിക്കേണ്ടി വന്നാലും അത് സന്തോഷമാണ് എന്നാണ് സ്റ്റെഫി വ്യക്തമാക്കുന്നത്. ഡ്യൂപ്പിനെ ഒക്കെ വച്ച് ചെയ്യാമെങ്കിലും സ്റ്റെഫി കാണിക്കുന്ന ഡെഡിക്കേഷനും ആത്മാർഥതയ്ക്കും നിറഞ്ഞ കയ്യടിയാണ് ലഭിക്കുന്നത്.
സ്റ്റെഫി ലിയോൺ നിലവിൽ സൂര്യ ടിവിയിലെ ഭാവന എന്ന സീരിയലിലാണ് അഭിനയിക്കുന്നത്. ലിയോൺ കെ തോമസുമായി പ്രണയിച്ചാണ് സ്റ്റെഫി വിവാഹിതയായത്. ഡിഗ്രിക്ക് പഠിക്കുമ്പോൾ സംഗീത ആൽബത്തിൽ അഭിനയിക്കുന്നതിനായി വിളിച്ചപ്പോഴാണ് സ്റ്റെഫി ലിയോൺ കെ തോമസിനെ പരിചയപ്പെട്ടത്. സണ്ണി ലിയോണുമായി എനിക്ക് ബന്ധമുണ്ടോയെന്ന കുസൃതി നിറഞ്ഞ ചോദ്യങ്ങളെ ഇഷ്ടപ്പെടന്നുണ്ടെന്ന് സ്റ്റെഫി നേരത്തെ പറഞ്ഞത് ചിരി ഉണർത്തിയിരുന്നു.
