കുടുംബപ്രേക്ഷകർ വളരെ വേഗം ഏറ്റെടുത്തൊരു പരമ്പരയാണ് മൗനരാഗം. അഞ്ച് വർഷത്തെ യാത്രയിൽ ആയിരം എപ്പിസോഡ് എന്ന ചരിത്രത്തിലേക്ക് പരമ്പര നീങ്ങുമ്പോൾ പ്രേക്ഷകർ ഇപ്പോഴും പരമ്പരയെ ചേർത്ത് നിർത്തുന്നുണ്ട്. സംസാര ശേഷി നഷ്ടപ്പെട്ട കല്യാണിയുടെ ജീവിതമാണ് മൗനരാഗം പറയുന്നത്. കല്യാണിയായി എത്തി പ്രേക്ഷകരുടെ മനസിൽ ഇടം നേടാൻ നടി ഐശ്വര്യ റംസായിക്ക് കഴിഞ്ഞിരുന്നു. സോഷ്യൽ മീഡിയയിൽ സജീവമായ ഐശ്വര്യ പങ്കുവെച്ച ഒരു വീഡിയോ ഇപ്പോൾ വൈറലാവുകയാണ്.
കുഞ്ഞ് കല്ലുമോനെ കൊഞ്ചിക്കുന്ന കല്യാണിയമ്മയുടെ വീഡിയോയാണ് ആരാധകരെ കൈയിലെടുത്തിരിക്കുന്നത്. കുഞ്ഞിന് ബിസ്കറ്റ് വായിൽ വെച്ച് കൊടുക്കുന്നതും കുഞ്ഞ് അത് കടിച്ച് എടുക്കുന്നതുമൊക്കെയാണ് വീഡിയോയി്ൽ ഉള്ളത്. കല്യാണിയമ്മയുടെ മുടിയിൽ ഓക്കെ പിടിച്ച് വലിച്ച് കുസൃതി കാണിക്കുന്ന കുഞ്ഞിനെയും വീഡിയോയിൽ കാണാം. തന്റെ പതിനാലാം വയസിലാണ് ഐശ്വര്യ അഭിനയ ലോകത്തേക്ക് വരുന്നത്.
ഡാൻസ് ആയിരുന്നു ഐശ്വര്യയുടെ ലോകം. പന്ത്രണ്ടാം വയസ്സിലാണ് കാലിന് ഒരു സർജറി കഴിഞ്ഞത്. നടക്കാൻ പോലും പറ്റാത്ത അവസ്ഥയായിരുന്നുവെന്നാണ് ഐശ്വര്യ പറയുന്നത്. പതിയെ നടന്നു തുടങ്ങിയപ്പോൾ സീരിയലിൽ അവസരം വന്നു. അങ്ങനെ തമിഴ് സീരിയലുകൾ ചെയ്തു തുടങ്ങിയെന്നും ഐശ്വര്യ മുമ്പൊരു അഭിമുഖത്തിൽ പറഞ്ഞിരുന്നു.
