നിസാം ബഷീര്- മമ്മൂട്ടി കൂട്ടുകെട്ടിലെത്ത റോഷാക്ക് തിയേറ്റര് ഹിറ്റായിരുന്നു. ഇപ്പോള് ഒടിടിയില് സ്ട്രീമിങ് തുടരുകയാണ്. നിരവധി പേരാണ് ചിത്രത്തെ അഭിനന്ദിച്ച് രംഗത്തെത്തിയത്. ഫസ്റ്റ് ലുക്ക് പോസ്റ്ററുകളിലൂടെ ഇത്രയും ഹൈപ്പ് കിട്ടിയൊരു മലയാള സിനിമയില്ല. മമ്മൂട്ടി കമ്പനി നിര്മ്മിച്ച ആദ്യ ചിത്രം കൂടിയായിരുന്നു റോഷാക്ക്. ഒക്ടോബര് 7നാണ് റോഷാക്ക് തിയറ്ററുകളില് എത്തിയത്. ചിത്രത്തില് കണ്ണുകൊണ്ടാണ് ആസിഫ് അലി അഭിനയിച്ചത്. ചിത്രത്തിലെ താരത്തിന്റെ അഭിനയത്തിന് വിലകൂടിയ റോളക്സ് വാച്ചാണ് മമ്മൂട്ടി സമ്മാനിച്ചത്. ഇപ്പോഴിതാ ചിത്രത്തെയും സമ്മാനത്തേയും കുറിച്ചുള്ള ഒരു കുറിപ്പാണ് ശ്രദ്ധേയമാകുന്നത്. ’30 ലക്ഷമല്ല 30 കോടി മമ്മൂട്ടി കൊടുത്താലും ഇത്രയും മികച്ചൊരു നടനെ മമ്മൂട്ടിക്ക് കിട്ടില്ല’ എന്നാണ് സുനിത ദാസ് മൂവീ ഗ്രൂപ്പില് പങ്കുവെച്ച കുറിപ്പില് പറയുന്നത്.