സുരേഷ് ഗോപിയുടെ ഏറ്റവും പുതിയ ചിത്രമായ ഗരുഡന്റെ പ്രമോഷൻ പരിപാടികളുടെ തിരക്കിൽ ആണ് താരം ഇപ്പോൾ. പ്രസ് മീറ്റുകളിൽ ഒക്കെ ചിത്രത്തിനെ കുറിച്ച് പല പ്രസ്താവനകളും സുരേഷ് ഗോപി നടത്തുന്നുണ്ട്. എന്നാൽ ഇപ്പോൾ പ്രസ് മീറ്റിന് സുരേഷ് ഗോപിക്ക് നേരെ വന്ന ഒരു ചോദ്യത്തിന് അദ്ദേഹം നൽകിയ മറുപടിയാണ് പ്രേഷകരുടെ ശ്രദ്ധ നേടിയിരിക്കുന്നത്. നടിയെ ആക്രമിച്ച കേസിലെ ദിലീപിന്റെ അവസ്ഥയെ കുറിച്ചാണ് സുരേഷ് ഗോപി പരോക്ഷമായ സംസാരിച്ചത് എന്നാണ് സൂചനകൾ. ഗരുഡൻ സിനിമയുടെ പ്രമേയത്തെ കുറിച്ചാണ് സുരേഷ് ഗോപി പറയുന്നത്. സുരേഷ് ഗോപിയുടെ വാക്കുകൾ ഇങ്ങനെ, ഒരു നിരപരാധി ശിക്ഷിക്കപ്പെട്ടാല്‍, അയാളെ ഒരു പിശാച് ആയി ചിത്രീകരിച്ചാല്‍ അയാളുടെ ഭാര്യയെ, കുഞ്ഞുങ്ങളെ ഒക്കെ അത് ബാധിച്ചിരുന്നു.
ഈ സിനിമയിൽ അതൊക്കെ കൃത്യമായി കാണാം. എന്നാൽ വേറെ ഒരെണ്ണം എന്താണെന്ന് വെച്ചാൽ, നിരപരാധിയാണെന്ന് തെളിയിച്ചിട്ടൊന്നും ഇല്ല. എന്നാൽ കുറ്റക്കാരൻ എന്ന് കരുതുന്ന ആൾ പുറത്തിറങ്ങി നടക്കുന്നു. അവര്‍ ചെയ്ത പാതകത്തെ കുറിച്ച് ഇപ്പോള്‍ എവിടെയും ഒരു ചർച്ചകളും ഇല്ല. മാസങ്ങളോളം, വര്‍ഷങ്ങളോളം അന്തിച്ചര്‍ച്ചകളിലെല്ലാം അവരുടെ പോസ്റ്റുമോര്‍ട്ടം, ജീവിച്ചിരിക്കുന്ന ബോഡിയില്‍ പോസ്റ്റുമോര്‍ട്ടം നടത്തിയിട്ടുണ്ട്.നമുക്ക് അവരെ കുറിച്ചുളള നിശ്ചയങ്ങള്‍ മുഴുവന്‍ തകിടം മറിച്ചിട്ടുണ്ട്. തിരിച്ച് പഴയ നിശ്ചയങ്ങളിലേക്ക് നമുക്ക് പോകേണ്ടി വന്നാല്‍ ഇതിനകത്ത് പാതകം ചെയ്തവന് കാക്കിയാണ് ആടയെങ്കില്‍ അവന്റെ സ്ഥാനം പിന്നെ എവിടെയായിരിക്കണം എന്ന് പറയുന്നതിന്റെ സൂചന ഈ സിനിമയില്‍ ഉണ്ട് എന്നുമാണ് സുരേഷ് ഗോപി പറയുന്നത്.
അതെ സമയം സുരേഷ് ഗോപി ഈ പറഞ്ഞിരിക്കുന്നത് ദിലീപിനെ കുറിച്ചാണ് എന്നാണ് പുറത്ത് വരുന്ന സൂചനകൾ. ദിലീപിന്റെ ജീവിതത്തിൽ ഉണ്ടായ അപ്രതീക്ഷിച്ച തകർച്ചയും അതിന്റെ പേരിൽ ഇന്നും ദിലീപ് നേരിടുന്ന വിമർശനങ്ങളും ദിലീപിനെ മാത്രമല്ല, ദിലീപിന്റെ ഭാര്യയ്ക്കും മക്കൾക്കും എതിരെ വരെ വരുന്ന വിമർശനങ്ങളെയും കുറിച്ച് ഒക്കെയാണ് സുരേഷ് ഗോപി പറഞ്ഞിരിക്കുന്നത് എന്നാണ് സൂചനകൾ. കരിയറിന്റെ ഏറ്റവും നല്ല സമയത്ത് നിൽകുമ്പോൾ ആണ് ദിലീപിനെതിരെ ആരോപണങ്ങൾ ഉയർന്നുന്നതും മൂന്ന് മാസത്തോളം ദിലീപ് ജയിലിൽ കിടക്കുന്നതും. എന്നാൽ ഇപ്പോൾ വീണ്ടും ദിലീപ് സിനിമയിലെ തന്റെ പഴയ വസന്ത കാലത്തേക്ക് തിരിച്ച് വരവ് നടത്തിക്കൊണ്ടിരിക്കുകയാണ്.
