ബോളിവുഡിലെ നിറഞ്ഞ സാന്നിധ്യമാണ് കപൂര് കുടുംബം. തന്റെ കുടുംബത്തെ പറ്റിയുള്ള രണ്ബീര് കപൂറിന്റെ വെളിപ്പെടുത്തലാണ് സോഷ്യലിടത്ത് ശ്രദ്ധേയമാകുന്നത്. കുടുംബാംഗങ്ങളുടെ വിദ്യാഭ്യാസ യോഗ്യതയെ കുറിച്ചാണ് രണ്ബീറിന്റെ വെളിപ്പെടുത്തല്.
കപൂര് കുടുംബത്തില് നിന്ന് 10-ാം ക്ലാസ് പാസാകുന്ന ആദ്യത്തെ ആണ്കുട്ടി രണ്ബീര് കപൂറാണ്. താരം തന്നെയാണ് ഇക്കാര്യം വെളിപ്പെടുത്തിയത്. കപൂര് കുടുംബത്തിലെ നാല് തലമുറകളും ബോളിവുഡ് താരങ്ങളാണ്. മുതുമുത്തച്ഛന് പൃഥ്വിരാജ് കപൂര്, മുത്തച്ഛന് രാജ് കപൂര്, അച്ഛന് ഋഷി കപൂര്, മറ്റ് നിരവധി ബന്ധുക്കള് എന്നിവര് ബോളിവുഡിലെ പ്രമുഖരായിരുന്നു.
വിദ്യാഭ്യാസം ഒരിക്കലും തങ്ങള്ക്ക് ഇണങ്ങുന്നതല്ലായിരുന്നു. താന് മെട്രിക്കുലേഷന് പരീക്ഷയില് ശരാശരിയില് താഴെ മാര്ക്കോടെ വിജയിച്ചപ്പോഴും കുടുംബം പാര്ട്ടി നടത്തി ആഘോഷിച്ചിരുന്നെന്നും രണ്ബീര് പറയുന്നു.
ഷംഷേരയുടെ പ്രമോഷനല് വീഡിയോയിലാണ് താരത്തിന്റെ വെളിപ്പെടുത്തല്, ഇന്സ്റ്റാഗ്രാം സ്വാധീനമുള്ള ഡോളി സിങ്ങിന്റെ കഥാപാത്രമായ ‘രാജു കി മമ്മി’യുമായി രണ്ബീര് ഒരു ചാറ്റ് നടത്തി.
10-ാം ക്ലാസ് പരീക്ഷ പാസായതിന് ശേഷം ഗണിതമോ, ശാസ്ത്രമോ പഠിച്ചിട്ടുണ്ടോ എന്ന് ചോദിച്ചു. അതേക്കുറിച്ച് ആലോചിച്ചിരുന്നെന്നായിരുന്നു രണ്ബീറിന്റെ മറുപടി.
ഡോളി അവനോട് പഠനത്തില് ദുര്ബലനാണോ എന്ന് ചോദിച്ചു, ‘ഞാന് വളരെ ദുര്ബലനായിരുന്നു’ എന്നായിരുന്നു താരത്തിന്റെ മറുപടി.
10-ാം ക്ലാസ് പരീക്ഷയില് എത്ര മാര്ക്ക് കിട്ടിയെന്ന് ചോദിച്ചപ്പോള് 53.4 ശതമാനം എന്നായിരുന്നു മറുപടി. ‘ഞാന് ജയിക്കുമെന്ന് വീട്ടുകാര്ക്ക് തീരെ പ്രതീക്ഷ ഉണ്ടായിരുന്നില്ല. 10-ാം ക്ലാസില് വിജയിച്ച എന്റെ കുടുംബത്തിലെ ആദ്യത്തെ ആണ്കുട്ടി ഞാനാണ്.’
കപൂര് കുടുംബത്തിന്റെ രഹസ്യം പഠനത്തില് മോശവും അഭിനയത്തില് അതിശയകരവുമാണെന്ന് ഡോളി പറഞ്ഞു. ‘എനിക്ക് അതറിയില്ലെന്നായിരുന്നു,’ താരത്തിന്റെ മറുപടി. നേരത്തെ 2017ല് പിടിഐയുമായി നടത്തിയ അഭിമുഖത്തില് രണ്ബീര്, കുടുംബത്തിലെ ഏറ്റവും വിദ്യാസമ്പന്നനായ അംഗമെന്ന് സ്വയം വിശേഷിപ്പിച്ചിരുന്നു.
‘എന്റെ കുടുംബത്തിന്റെ വിദ്യാഭ്യാസ ചരിത്രം അത്ര നല്ലതല്ല. അച്ഛന് എട്ടാം ക്ലാസിലും അമ്മാവന് ഒന്പതിലും, മുത്തച്ഛന് ആറാം ക്ലാസിലും തോറ്റു. കുടുംബത്തിലെ ഏറ്റവും വിദ്യാഭ്യാസമുള്ള അംഗമാണ് ഞാന്. സ്കൂള് വിദ്യാഭ്യാസം പൂര്ത്തിയാക്കിയ ശേഷം വിദേശത്ത് അഭിനയവും സിനിമാ നിര്മാണവും പഠിച്ചിട്ടുണ്ട് താരം.
2007ലാണ് രണ്ബീര് ബോളിവുഡില് അരങ്ങേറ്റം കുറിച്ചത്. സഞ്ജയ് ദത്തും വാണി കപൂറും അഭിനയിക്കുന്ന ഷംഷേരയിലാണ് രണ്ബീറിന്റെ പുറത്തിറങ്ങാനിരിക്കുന്ന ചിത്രം. ഹിന്ദി, തമിഴ്, തെലുങ്ക് ഭാഷകളില് ജൂലായ് 22 ന് പീരിയഡ് ഫിലിം തിയേറ്ററുകളില് റിലീസ് ചെയ്യും.