മമ്മൂട്ടിയെ കേന്ദ്ര കഥാപാത്രമാകുന്ന ബി ഉണ്ണികൃഷ്ണന് ചിത്രം ക്രിസ്റ്റഫറിന്റെ ഫസ്റ്റ്ലുക്ക് പോസ്റ്റര് പുറത്തെത്തി. നിയമം എവിടെ നിര്ത്തുന്നുവോ, അവിടെ നീതി ആരംഭിക്കുന്നു എന്നാണ് പോസ്റ്ററിലെ വാക്യം. ബയോഗ്രഫി ഓഫ് എ വിജിലാന്റെ കോപ്പ് എന്നാണ് ചിത്രത്തിന്റെ ടാഗ് ലൈന്. ത്രില്ലര് ഗണത്തില് പെടുന്ന ചിത്രത്തില് ഒരു പോലീസ് ഓഫീസറുടെ വേഷത്തിലാണ് മമ്മൂട്ടിയെത്തുന്നത്. ആര് ഡി ഇല്യൂമിനേഷന്സ് ആണ് ചിത്രത്തിന്റെ നിര്മ്മാണം.
ഒട്ടേറെ ഹിറ്റുകളുടെ രചന നിര്വ്വഹിച്ചിട്ടുള്ള ഉദയകൃഷ്ണയാണ് ചിത്രത്തിന് തിരക്കഥ ഒരുക്കിയിരിക്കുന്നത്. മൂന്ന് നായികമാരാണ് ചിത്രത്തില്. സ്നേഹ, അമല പോള്, ഐശ്വര്യ ലക്ഷ്മി എന്നിവര്. തെന്നിന്ത്യന് താരം വിനയ് റായ് ഒരു സുപ്രധാന വേഷത്തില് എത്തുന്നു എന്നതും പ്രത്യേകതയാണ്.
ഷൈന് ടോം ചാക്കോ, ദിലീഷ് പോത്തന്, സിദ്ദിഖ്, ജിനു എബ്രഹാം, വിനീത കോശി, വാസന്തി തുടങ്ങിയവരോടൊപ്പം മുപ്പത്തിയഞ്ചോളം പുതുമുഖങ്ങളും ചിത്രത്തിലെ വിവിധ കഥാപാത്രങ്ങളെ അവതരിപ്പിക്കുന്നു. എറണാകുളം, പൂയംകുട്ടി, വണ്ടിപ്പെരിയാര് എന്നിവിടങ്ങളിലായാണ് ചിത്രീകരണം പുരോഗമിക്കുന്നത്.
ഫൈസ് സിദ്ദിഖ് ആണ് ചിത്രത്തിന്റെ ഛായാഗ്രഹണം നിര്വ്വഹിക്കുന്നത്. സംഗീതം ജസ്റ്റിന് വര്ഗീസ്, എഡിറ്റിംഗ് മനോജ്, പ്രൊഡക്ഷന് കണ്ട്രോളര് അരോമ മോഹന്, കലാ സംവിധാനം ഷാജി നടുവില്, വസ്ത്രാലങ്കാരം പ്രവീണ് വര്മ്മ, ചമയം ജിതേഷ് പൊയ്യ, ആക്ഷന് കൊറിയോഗ്രഫി സുപ്രീം സുന്ദര്, ചീഫ് അസോസിയേറ്റ് സുജിത്ത് സുരേഷ്, പിആര്ഒ പി ശിവപ്രസാദ്, നിയാസ് നൗഷാദ്, മാര്ക്കറ്റിംഗ് ഒബ്സ്ക്യൂറ എന്റര്ടൈന്മെന്റ്സ്, സ്റ്റില്സ് നവീന് മുരളി, ഡിസൈന് കോളിന്സ് ലിയോഫില്.