തന്റെ ഇന്റര്വ്യൂകളില് അതിഥികളെ അണ്കംഫര്ട്ടബിള് ആക്കാത്ത ചോദ്യങ്ങളാണ് ചോദിക്കാറുള്ളതെന്ന് ശ്രീനാഥ് ഭാസിക്കെതിരെ പരാതി നല്കിയ അവതാരക. അതിഥികള്ക്ക് ഇഷ്ടമായില്ലെന്ന് പറയുന്ന പക്ഷം ചോദ്യങ്ങള് മാറ്റാറുണ്ടെന്നും അവതാരക പറയുന്നു. നടി പാര്വതി തിരുവോത്തിനെ ഇന്റര്വ്യൂ ചെയ്തപ്പോള് അവര്ക്ക് ഇഷ്ടമില്ലാത്ത ചോദ്യം തിരുത്തിയിട്ടുണ്ടെന്നും അവതാരക പറയുന്നു.
എല്ലാ അഭിമുഖങ്ങളും കണ്ടന്റ് പ്രൊഡ്യൂസ് ചെയ്യാനുള്ളതാണെങ്കില് നമ്മുക്ക് ഏതെങ്കിലും ഒക്കെ എടുത്താല് പോരെ. ശ്രീനാഥ് ഭാസി പറഞ്ഞു, 25 ഇന്റര്വ്യൂ ഒക്കെ ഉണ്ടായിരുന്നുവെന്ന്. 25 ഇന്റര്വ്യൂവും ഒരേ രീതിയില് ആണെങ്കില് ആളുകള് ഒരു ഇന്റര്വ്യൂ കണ്ടാല് പോരെ എന്നും അവതാരക ചോദിക്കുന്നു.
വ്യക്തി ജീവിതത്തിലേക്ക് കടന്നുകയറുന്ന ചോദ്യങ്ങളാണ് എന്നും പറയുന്നുണ്ട്. ‘നിങ്ങളുടെ വീട്ടില് ഭാര്യയുമായി എന്തെങ്കിലും പ്രശ്നമുണ്ടോ, വേര്പിരിഞ്ഞ് താമസിക്കുകയാണോ’ എന്നൊന്നുമല്ല ഞാന് അഭിമുഖത്തിന് ചോദിക്കുന്നത്. മറിച്ച് ‘സിനിമ കണ്ടിട്ട് ഭാര്യ എന്ത് പറഞ്ഞു’എന്നാണ്.
അതേസമയം, അവര്ക്ക് ചോദ്യം ഇഷ്ടമല്ല എന്ന് പറയുകയാണെങ്കില് അത് മാറ്റാറുണ്ടെന്നും അവതാരക പറയുന്നു. പാര്വതി തിരുവോത്തിന്റെ ഒരു അഭിമുഖത്തില് ‘കറുപ്പാണെങ്കിവും സുന്ദരിയാണല്ലോ’ എന്ന് ഞാന് പറഞ്ഞപ്പോള് ആ പ്രസ്താവനയോട് യോജിക്കുന്നില്ലെന്നും നിങ്ങള്ക്ക് വേണമെങ്കില് അത് തിരുത്താമെന്നും പറഞ്ഞു. അത് മാറ്റി ഇന്റര്വ്യൂ തുടരുകയാണ് ചെയ്തതെന്നും അവതാരക പറയുന്നു.
എന്റെ കംഫര്ട്ട് സോണില് ആക്ടറിനെ അണ്കംഫര്ട്ടബിള് ആക്കാത്ത ചോദ്യങ്ങളാണ് ഞാന് ചോദിക്കുന്നത്. ആരെങ്കിലും ചോദ്യം മാറ്റാന് ആവശ്യപ്പെട്ടാല് അത് മാറ്റാനും ഞാന് തയ്യാറാണ്. അഭിമുഖം നടത്തുന്ന മിക്ക അഭിനേതാക്കളുമായി വ്യക്തിപരമായ ബന്ധം പുലര്ത്തുന്നയാളാണ് താന്. അവരാരും എന്റെ അഭിമുഖങ്ങള് എടുക്കണ്ട എന്ന് പറയാറില്ല. മറിച്ച് ഒരു സിനിമ വരുമ്പോള് ഇന്റര്വ്യൂ എടുക്കണമെന്നാണ് ആവശ്യപ്പെടാറാണുള്ളതന്നും അവതാരക പറയുന്നു.