മലയാളികളുടെ പ്രിയതാരം ജയസൂര്യയുടെ ജന്മദിനം ആയിരുന്നു ഇന്നലെ. ഇപ്പോഴിതാ തനിക്ക് ആശംസകള്‍ നേര്‍ന്ന് എത്തിയ ഓരോര്‍ത്തര്‍ക്കും നന്ദി അറിയിച്ച് നടന്‍ തന്റെ സോഷ്യല്‍ മീഡിയ പേജില്‍ കുറിച്ച വാക്കുകളാണ് ശ്രദ്ധ നേടുന്നത്. എല്ലാ വര്‍ഷവും, എല്ലാ ജന്മദിനത്തിലും, നിങ്ങളുടെ സ്‌നേഹത്തിലും പിന്തുണയിലും ഞാന്‍ വളരെ നന്ദിയും വിനയവും സ്പര്‍ശനവും അനുഭവിക്കുന്നു… എന്നാണ് പുതിയ പോസ്റ്റ് പങ്കുവെച്ച് ജയസൂര്യ കുറിയ്ക്കുന്നത്. എന്നെ ആശംസിക്കാനും ഈ ദിവസം ശരിക്കും സവിശേഷമാക്കാനും സമയം കണ്ടെത്തിയ നിങ്ങള്‍ക്ക് നന്ദി…
നിങ്ങള്‍ നല്‍കുന്ന ഈ സ്‌നേഹത്തിനുള്ള നന്ദി,ഞാന്‍ അഭിനയിക്കാന്‍ തിരഞ്ഞെടുക്കുന്ന കഥാപാത്രങ്ങളിലൂടെയോ അവയ്ക്ക് ജീവന്‍ നല്‍കാന്‍ എന്നെ തിരഞ്ഞെടുക്കുന്ന കഥാപാത്രങ്ങളിലൂടെയോ പ്രകടിപ്പിക്കാന്‍ സാധിക്കും എന്ന് ഞാന്‍ പ്രതീക്ഷിക്കുന്നു.. എന്നിലുള്ള ആഗ്രഹത്തോടൊപ്പം എന്നെ മുന്നോട്ട് കൊണ്ടുപോകുന്നത്,പ്രേക്ഷകരില്‍ നിന്ന് ലഭിക്കുന്ന ശുദ്ധമായ സ്‌നേഹമാണ് എന്നും ഹൃദയം തൊടുന്ന കുറിപ്പ് പങ്കുവെച്ചുകൊണ്ട് ജയസൂര്യ കുറിയ്ക്കുന്നു.. എന്നെ മുന്നോട്ട് നയിച്ചതിന് നന്ദി, മികച്ച ജോലി ചെയ്യാന്‍ എന്നെ പ്രേരിപ്പിച്ചതിന് നന്ദി. സിനിമാ വ്യവസായത്തിന്, എന്റെ കൂട്ടുകുടുംബത്തിന്,
എന്നെ നിങ്ങളുടെ ക്യാന്‍വാസാക്കിയതിനും നിങ്ങളുടെ മനോഹരമായ കാഴ്ചകള്‍ വരയ്ക്കുന്നതിന് എന്നെ ഒരു മധ്യസ്ഥനായി തിരഞ്ഞെടുത്തതിനും നന്ദി. ഇവിടെ ഒരുമിച്ച് കൂടുതല്‍ കലകള്‍ സൃഷ്ടിക്കേണ്ടതുണ്ട്. തീര്‍ച്ചയായും എന്റെ കുടുംബം, എന്റെ തൂണുകള്‍. ആരുമില്ലായിരുന്നെങ്കില്‍ എനിക്ക് എഴുതാന്‍ ഈ കഥകളോ വരയ്ക്കാന്‍ ചിത്രങ്ങളോ ഉണ്ടാകുമായിരുന്നില്ല. എന്നെ അടുപ്പിച്ചതിന് നന്ദി. എന്റെ യജമാനന്മാരേ, ദൈവമേ, നിങ്ങളുടെ മാന്ത്രിക പദ്ധതികളുടെ ഭാഗമാക്കിയതിന് നന്ദി.. എന്നാണ് ജയസൂര്യ കുറിച്ചത്. ഈ കഴിഞ്ഞ പിറന്നാള്‍ ജയസൂര്യയ്ക്കും അദ്ദേഹത്തിന്റെ ആരാധകര്‍ക്കും വളരെ പ്രത്യേകത നിറഞ്ഞതായിരുന്നു…
കാരണം, നടന്‍ മോഹന്‍ലാല്‍ പങ്കുവെച്ച ആശംസാ പോസ്റ്റ് തന്നെ ആയിരുന്നു.. പിറന്നാള്‍ ആശംസയ്ക്ക് ഒപ്പം ജയസൂര്യയുടെ ‘കത്തനാര്‍’ എന്ന സിനിമയ്ക്കുള്ള ആശംസയും മോഹന്‍ലാല്‍ അറിയിച്ചിരു.’കത്തനാര്‍’ സിനിമയുടെ പോസ്റ്റര്‍ പോലെ പുറത്തിറക്കിയ ഫോട്ടോയില്‍ ഹാപ്പി ബര്‍ത്ത് ഡേ ജയസൂര്യ എന്ന് രേഖപ്പെടുത്തിയിട്ടുണ്ടായിരുന്നു. ആശംസാ പോസ്റ്റിന് ലാലേട്ടന് നന്ദി അറിയിച്ച് ജയസൂര്യയും എത്തിയിരുന്നു.
View this post on Instagram
