ഒപ്റ്റിക്കല്‍ ഇല്യൂഷന്‍ ചിത്രങ്ങള്‍ക്ക് നാം അറിയാത്ത, അല്ലെങ്കില്‍ നമുക്ക് വ്യക്തത ഇല്ലാത്ത നമ്മുടെ സ്വഭാവസവിശേഷതകള്‍ കണ്ടെത്താന്‍ കഴിയും. ഒപ്റ്റിക്കല്‍ ഇല്ല്യൂഷനില്‍ ആദ്യം ശ്രദ്ധ പതിയുന്നത് എന്തിലാണോ അത് വെച്ചാണ് കാര്യങ്ങള്‍ വിശകലനം ചെയ്യാന്‍ സാധിക്കുക. എന്നാല്‍ ഒലെഗ് ഷുപ്ലിയാകിന്റെ ഒപ്റ്റിക്കല്‍ ഇല്യൂഷന്‍ പെയിന്റിംഗ് ആണ് ഇപ്പോള്‍ ശ്രദ്ധനേടിക്കൊണ്ടിരിക്കുന്നത്. നിങ്ങളുടെ പങ്കാളിക്കൊപ്പം നിങ്ങള്‍ പങ്കിടാന്‍ ഇഷ്ടപ്പെടുന്ന രഹസ്യസ്വഭാവം എന്താണെന്ന് വെളിപ്പെടുത്തുന്ന ഒരു ചിത്രമാണിത്.
നിങ്ങള്‍ ഈ ചിത്രത്തിലേക്ക് ശ്രദ്ധയോടെ നോക്കുക. അതില്‍ നിങ്ങള്‍ ആദ്യം എന്താണോ കാണുന്നത് അതായിരിക്കും നിങ്ങളും പങ്കാളിയും തമ്മിലുള്ള ബന്ധം വെളിപ്പെടുത്തുക. തന്നിരിക്കുന്ന ചിത്രത്തില്‍, നിങ്ങള്‍ ആദ്യം ഒരു വീട് ശ്രദ്ധിച്ചാല്‍, നിങ്ങള്‍ പങ്കാളിയുമായി ഇടപഴകുന്നതിന് നിങ്ങളുടെ വീടിന്റെ സുരക്ഷാ വലയം എപ്പോഴും ഇഷ്ടപ്പെടുന്നു എന്നാണര്‍ത്ഥം. കൂടാതെ, പങ്കാളിയുമായി മറ്റുള്ളവരില്‍ നിന്ന് ഒഴിഞ്ഞിരിക്കുന്ന സമയം നിങ്ങള്‍ അവര്‍ക്ക് ഭക്ഷണം വായയില്‍ നല്‍കാന്‍ ഇഷ്ടപ്പെടുന്നു.
ചിത്രത്തില്‍, നിങ്ങളുടെ ശ്രദ്ധ ആദ്യം മരങ്ങളില്‍ ആണ് പതിഞ്ഞതെങ്കില്‍, നിങ്ങള്‍ ഒരുപാട് ജീവിത ഭാരങ്ങള്‍ വഹിക്കുന്ന വ്യക്തിയാണ്. അതുകൊണ്ട്, നിങ്ങളുടെ പങ്കാളിയോട് നിങ്ങളുടെ ഭയങ്ങളെയും പ്രശ്നങ്ങളെയും കുറിച്ച് നിങ്ങള്‍ തുറന്നുപറയും. ചിത്രത്തില്‍ ഒരു പുരുഷന്റെ മുഖമാണ് കണ്ടതെങ്കില്‍, നിങ്ങള്‍ വലിയ സ്വപ്നങ്ങള്‍ കാണുകയും മറ്റുള്ളവരെക്കാള്‍ വേഗത്തില്‍ ലക്ഷ്യങ്ങള്‍ സാക്ഷാത്കരിക്കുകയും ചെയ്യുന്നു. നിങ്ങള്‍ ആദ്യം ചന്ദ്രനെയാണ് കണ്ടെങ്കില്‍, നിങ്ങള്‍ സ്വപനങ്ങള്‍ക്ക് പിറകെ സഞ്ചരിക്കുന്ന വ്യക്തിയാണ്. പങ്കാളിയോടുള്ള നിങ്ങളുടെ സ്‌നേഹവും കരുതലും നിങ്ങള്‍ കലയിലൂടെയായിരിക്കും പ്രകടിപ്പിക്കുക. നിങ്ങള്‍ അവര്‍ക്കായി എന്തെങ്കിലും എഴുതുകയോ വരയ്ക്കുകയോ ചെയ്യും.
ചിത്രത്തില്‍ നിങ്ങള്‍ ആദ്യം ഒരു ചെന്നായയെ ആണോ കണ്ടത്? എങ്കില്‍ നിങ്ങള്‍ ഒരു വികാരാധീനനായ വ്യക്തിയാണ്. നിങ്ങളുടെ മനസ്സ് പറയുന്ന രീതിയില്‍ കാര്യങ്ങളെ സമീപിക്കുന്ന വ്യക്തിയാണ്. നിങ്ങള്‍ അടച്ചിട്ട മുറികളില്‍ നിങ്ങളുടെ പങ്കാളിയോടുള്ള സ്‌നേഹവും കരുതലും പ്രകടിപ്പിക്കുന്നു. സമീപകാലത്തായി ഇതുപോല നിരവധി ഒപ്റ്റിക്കല്‍ ഇല്യൂഷന്‍ ചിത്രങ്ങളാണ് സോഷ്യല്‍ മീഡിയയില്‍ പ്രചരിച്ചുകൊണ്ടിരിക്കുന്നത്.