ഡാന്സ് റിയാലിറ്റി ഷോയിലൂടെ പ്രേക്ഷക പ്രിയ നേടിയ താരമാണ് സ്വര്ണ തോമസ്. അമൃത ടിവിയിലെ സൂപ്പര് ഡാന്സര് എന്ന റിയാലിറ്റി ഷോയുടെ ടൈറ്റില് വിന്നറായ സ്വര്ണ പിന്നീട് സിനിമാഭിനയത്തിലേക്ക് തിരിഞ്ഞു. പക്ഷേ അപ്രതീക്ഷിത വിധി സ്വര്ണ്ണയെ ചതിച്ചു, ജീവിതം വീല്ച്ചെയറിലാക്കി.
കുഞ്ഞനുജന്റെ വിളികേട്ട് തിരിഞ്ഞുനോക്കിയ താരം പിന്നെ വീണത് വീല്ച്ചെയറിലേക്കായിരുന്നു. മാസങ്ങള് നീണ്ട ആശുപത്രിവാസം, ഒടുവിലിപ്പോള് വിധിയെ തോല്പ്പിച്ച് അത്ഭുതകരമായി തിരിച്ചുവരികയാണ് സ്വര്ണ. ജീവനായ ഡാന്സിലൂടെ തന്നെ സ്വര്ണ ജീവിതം തിരികെ പിടിക്കുകയാണ്.
താമസിയ്ക്കുന്ന ഫ്ളാറ്റിന്റെ അഞ്ചാമത്തെ നിലയില് നിന്നും താഴെ വീണാണ് സ്വര്ണയ്ക്ക് ഗുരുതരപരിക്കേല്ക്കുന്നത്. നട്ടെല്ലിനും കാലിനും ലെന്സിനും എല്ലാം പരിക്കേറ്റ് വര്ഷങ്ങളോളം ചികിത്സയിലായിരുന്ന സ്വര്ണ ഇപ്പോള് വീണ്ടും കരിയറിലേക്ക് പതുക്കെ തിരിച്ചുവരികയാണ്. അതിന്റെ ഭാഗമായി സോഷ്യല് മീഡിയയിലും സജീവമാണ്.
പബ്ബില് പോകുമ്പോള് ഉള്ള അനുഭവം പങ്കുവച്ചുകൊണ്ടാണ് ഇപ്പോള് സ്വര്ണ തോമസ് എത്തിയിരിയ്ക്കുന്നത്. ഊന്നുവടിയുടെ സഹായത്തോടെ ഡാന്സ് കളിക്കുന്ന സ്വര്ണയെ പെട്ടന്ന് ഒരാള് വന്ന് കെട്ടിപ്പിടിയ്ക്കുകയും, കൂടെ ഡാന്സ് ചെയ്യുന്നതും കാണാം. ഞാന് എപ്പോള് പബ്ബില് പോയാലും ഇതാണ് അവസ്ഥ എന്ന് പറഞ്ഞുകൊണ്ട് സ്വര്ണ തോമസ് തന്നെയാണ് വീഡിയോ പങ്കുവച്ചത്. എന്നെ ഒറ്റയ്ക്ക് ഡാന്സ് കളിക്കാന് അനുവദിയ്ക്കുകയേ ഇല്ല എന്നാണ് സ്വര്ണ പറഞ്ഞത്.
ഡാന്സ് കളിക്കാന് പോയിട്ട്, എഴുന്നേറ്റ് നില്ക്കാന് പോലും കഴിയില്ല എന്ന് ഡോക്ടര്മാര് പറഞ്ഞ ഇടത്ത് നിന്നാണ് സ്വര്ണ തോമസ് ഇപ്പോള് ഇത്രയും ദൂരം പിന്നിട്ടിരിയ്ക്കുന്നത്. അമൃത ടിവിയില് സ്വാസിക അവതരിപ്പിയ്ക്കുന്ന റെഡ് കാര്പെറ്റ് എന്ന ഷോയിലൂടെയാണ് സ്വര്ണ തിരിച്ചുവരവ് അറിയിച്ചത്. പിന്നീട് ടെലിവിഷന് ഷോകളില് സജീവമാകുകായായിരുന്നു. ഫ്ളവേഴ്സ് ഒരു കോടി, പടം തരും പണം തുടങ്ങിയ ഷോകളില് എല്ലാം സ്വര്ണ പങ്കെടുത്തിരുന്നു. തന്റെ അത്ഭുതകരമായി തിരിച്ചുവരവ് പങ്കുവച്ചിരുന്നു.