മലയാള സിനിമയിലെ ആരാധകരേറെയുണ്ടായിരുന്നു താരദമ്പതികളാണ് മഞ്ജുവാര്യറും ദിലീപും. നീണ്ട പതിനാറ് വര്ഷത്തെ ദാമ്പത്യജീവിതം ഇരുവരും അവസാനിപ്പിച്ചത് ഏറെ ഞെട്ടലുണ്ടാക്കിയ വാര്ത്തയായിരുന്നു. 2014 ജൂണിലാണ് ഞെട്ടിക്കുന്ന വാര്ത്ത പുറത്തുവന്നത്, മഞ്ജുവാര്യരും ദിലീപും വേര്പിരിയുന്നു എന്നത്. 2015 ജനുവരിയിലാണ് ഇരുവരും ഒഫീഷ്യലി ഡിവോഴ്സ് ആയി.
എന്നാല് ആ വാര്ത്ത പുറത്തുവന്നിട്ട് എട്ട് വര്ഷങ്ങള് പിന്നിടുമ്പോഴും സാധാരണ വിവാഹമോചനങ്ങളിലെ പഴിചാരലുകളോ കുറ്റപ്പെടുത്തലുകളോ ഒന്നും ഇല്ലായിരുന്നു. ഒരു പ്രശ്നങ്ങളും പുറത്തുപറയാതെ ജീവനാംശം പോലും തേടാതെ മകളുടെ മേല് പോലും അവകാശവാദത്തിന് നില്ക്കാതെ വളരെ സൈലന്റായൊരു വിവാഹമോചനമായിരുന്നു.
അന്നുമുതല് മഞ്ജു മകളെ ഉപേക്ഷിച്ചെന്ന തരത്തിലായിരുന്നു ആരോപണങ്ങള് നിറഞ്ഞ്. സാധാരണ പ്രായപൂര്ത്തിയാകാത്ത പെണ്മക്കള് അമ്മയോടൊപ്പമാണ് പോകാറ്. എന്നാല് ഇവിടെ മീനാക്ഷി തിരഞ്ഞെടുത്തത് അച്ഛനൊടൊപ്പമുള്ള ജീവിതമാണ്. അതിന്റെ കാരമാണ് ഇപ്പോള് ശ്രദ്ധ നേടുന്നത്. ആരാധകര് തന്നെ കണ്ടെത്തിയ ആ കാരണം ഇങ്ങനെയാണ്,
എന്തുകൊണ്ടാണ് മീനാക്ഷി അച്ഛന്റെ കൂടെ പോയതെന്നാണ് എപ്പോഴും ആരാധകര് ഒന്നടങ്കം ചോദിക്കുന്നത്. എന്നാല് അതിന് ഒറ്റ ഉത്തരമേ ഉള്ളൂ, മഞ്ജു എന്ന അമ്മ. കാരണം മീനാക്ഷിയെ കുഞ്ഞുനാള് മുതല് പദ്മസരോവരം വിട്ടിറങ്ങി പോകുന്നത് വരെ നോക്കിയത് അമ്മയായ മഞ്ജുവാണ്. അത്രയും നാള് ആ അമ്മ അച്ഛനെ കുറിച്ച് നല്ലതുമാത്രമേ മകളോട് പറഞ്ഞിട്ടുള്ളൂ.
നായികയായി തിളങ്ങി നിന്ന സമയത്താണ് മഞ്ജു ദിലീപിനൊപ്പമുള്ള ജീവിതം തിരഞ്ഞെടുത്തത്. 1998 ലായിരുന്നു ഇരുവരും വിവാഹിതരായത്. വിവാഹ ജീവിതത്തിന്റെ പതിനാലു വര്ഷവും മഞ്ജു നല്ല വീട്ടമ്മയായി ഭാര്യയായി അമ്മയായി കഴിഞ്ഞു. സിനിമയുടെ വെള്ളിവെളിച്ചത്തിലേക്കേ ഇല്ലായിരുന്നു.
ചെറുപ്പം മുതല് മീനാക്ഷി കേട്ടുവളര്ന്നത് അച്ഛനെ കുറിച്ചുള്ള നല്ല കാര്യങ്ങളാണ്. അതുതന്നെയാകാം മീനാക്ഷി അച്ഛനെ ഒരു സൂപ്പര് ഡാഡ് ആയി കാണാനുള്ള കാരണം. അച്ഛന് എങ്ങനെയുള്ള ആളാണ് എന്ന് മറ്റാരേക്കാളും പറഞ്ഞു നല്കേണ്ടതും അമ്മയാണ് എന്നും ആരാധകര് പറയുന്നു.
മാത്രമല്ല, മഞ്ജു വിവാഹമോചന സമയത്ത് പങ്കിട്ട ഒരു കുറിപ്പില് മകളെ കുറിച്ചും അച്ഛനോടുള്ള സ്നേഹവും പറയുന്നുണ്ടായിരുന്നു. 14 വയസ്സുള്ള മകള് മീനാക്ഷിയുടെ കസ്റ്റഡിക്ക് വേണ്ടി പോരാടില്ല. മീനൂട്ടി അവളുടെ അച്ഛനെ എത്രമാത്രം സ്നേഹിക്കുന്നുവെന്ന് മറ്റാരേക്കാളും എനിക്കറിയാം. ദിലീപേട്ടന്റെ കൂടെ അവള് സുരക്ഷിതയും സന്തോഷവതിയും ആയിരിക്കും എന്ന് ഉറപ്പുണ്ടെന്നുമായിരുന്നു മഞ്ജു കുറിച്ചിരുന്നത്.
അവള് അവിടെ ഹാപ്പി ആയിരിക്കുമെന്ന് എനിക്ക് ഉറപ്പുണ്ട്. അവളുടെ കസ്റ്റഡിയെച്ചൊല്ലിയുള്ള നിയമ പോരാട്ടത്തില് അവളുടെ ജീവിതം കൂടുതല് വിഷമത്തില് ആക്കാന് ഞാന് ആഗ്രഹിക്കുന്നില്ല. ഞാന് അവള്ക്ക് വേണ്ടി ഒരു കോള് അകലെ ഉണ്ടാകും, എന്നായിരുന്നു മഞ്ജു പറഞ്ഞിരുന്നത്. മാത്രമല്ല വ്യക്തിപരവും തൊഴില്പരവുമായ ദിലീപിന്റെ ഭാവി സംരംഭങ്ങള്ക്ക് എല്ലാ ആശംസകളും മഞ്ജു ആ കത്തില് നേര്ന്നിരുന്നു.
പരസ്പര സമ്മതത്തോടെയാണ് തങ്ങള് ഡിവോഴ്സിന് അപേക്ഷ നല്കിയത്. ആ തീരുമാനത്തെ ആരും ഒരു തരത്തിലും സ്വാധീനിച്ചിട്ടില്ലെന്നും മഞ്ജു കത്തില് ഊന്നിപ്പറഞ്ഞു. പൊതുജനങ്ങള് ഞങ്ങളുടെ സ്വകാര്യതയെ മാനിക്കണമെന്നും മഞ്ജു പറഞ്ഞിരുന്നു. ഈ കത്ത് വൈറലാവുകയും ചെയ്തിരുന്നു. പിന്നീട് ഒരിക്കല് പോലും മഞ്ജു ദിലീപുമായുള്ള ബന്ധത്തെക്കുറിച്ചോ മകളെ കുറിച്ചോ എവിടെയും പറഞ്ഞിട്ടില്ല.
മഞ്ജുവിനെ പിരിഞ്ഞ ശേഷം ദിലീപ് കാവ്യാമാധവനെ വിവാഹം കഴിച്ചു. ഇരുവര്ക്കും മഹാലക്ഷ്മി എന്നൊരു മകളുമുണ്ട്. വിവാഹ മോചന ശേഷം മലയാളത്തിന്റെ ലേഡി സൂപ്പര്സ്റ്റാറായിട്ടാണ് മഞ്ജു മലയാള സിനിമയിലേക്ക് എത്തിയത്. ഹൗ ഓള്ഡ് ആര്യു ചിത്രത്തില് തുടങ്ങി ഇപ്പോഴും മഞ്ജു സിനിമയില് സജീവമാണ്. മലയാളത്തില് മാത്രമല്ല തമിഴകത്തും തകര്ക്കുകയാണ് താരം. ആരാധകരുടെ പിന്തുണയും സ്നേഹവും എപ്പോഴും മഞ്ജുവിനൊപ്പമുണ്ട്.