മലയാളികള്ക്ക് പുതിയ ഹിറ്റ് സമ്മാനിക്കാനൊരുങ്ങി വിനീത് ശ്രീനിവാസന്. നോലിമിറ്റ് ഫിലിംസിന്റെ ബാനറില് അജയന് ഇ നിര്മിച്ച് പപ്പന് ടി നമ്പ്യാര് സംവിധാനം ചെയ്യുന്ന ‘വയസ്സെത്രയായി മുപ്പത്തി…’ എന്ന ചിത്രത്തിലാണ് വിനീത് ശ്രീനിവാസന് ആലപിച്ച പുതിയ ഗാനം. പീസ് എന്ന ചിത്രം സംവിധാനം ചെയ്ത സന്ഫീര് കെ, സംഗീത സംവിധാന- ഗാന രചനാ രംഗത്തേക്ക് കാലെടുത്തുവയ്ക്കുന്ന ചിത്രം എന്ന പ്രത്യേകതയും ഈ ചിത്രത്തിനുണ്ട്. സരിഗമ തങ്ങളുടെ ഒഫീഷ്യല് പേജിലൂടെയാണ് ഗാനം പുറത്തുവിട്ടിരിക്കുന്നത്. ഷിജു യു സി- ഫൈസല് അബ്ദുള്ള എന്നിവര് ചേര്ന്നാണ് ചിത്രത്തിന് തിരക്കഥയെഴുതിയിരിക്കുന്നത്.
ഉത്തര മലബാര് കേന്ദ്രീകരിച്ചൊരു കുടുംബ ചിത്രമായിരിക്കും ‘വയസ്സെത്രയായി? മുപ്പത്തി…’എന്നാണ് പുറത്തുവരുന്ന വാര്ത്തകളില് നിന്നും വ്യക്തമാകുന്നത്. പ്രശാന്ത് മുരളി നായകനാകുന്ന ചിത്രം മാര്ച്ച് 28 ന് തിയേറ്ററുകളിലെത്തും. പ്രശാന്ത് മുരളിയോടൊപ്പം, ചിത്ര നായര്, ഷിജു യു സി, സാവിത്രി ശ്രീധരന്, രമ്യ സുരേഷ് എന്നിവര് പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തില്, മഞ്ജു പത്രോസ്, ഉണ്ണിരാജ, അരിസ്റ്റോ സുരേഷ്, യു സി നാരായണി, ജയകുമാര്, നിര്മല് പാലാഴി, പ്രദീപ് ബാലന്, തുടങ്ങി നിരവധി പേരും അണിനിരക്കുന്നു. ഷമീര് ജിബ്രാന് ഛായാഗ്രഹണം നിര്വഹിച്ചിരിക്കുന്ന ചിത്രത്തിലെ ഗാനങ്ങള്ക്ക് സംഗീതം നല്കിയിരിക്കുന്നത് സിബു സുകുമാരന് സന്ഫീര് എന്നിവരാണ്. വരികള് എഴുതിയിരിക്കുന്നത് കൈതപ്രവും സന്ഫീറും. ഫസ്റ്റ് ലവ് എന്റര്ടൈന്മെന്റ് ആണ് ചിത്രത്തിന്റെ വിതരണം നിര്വഹിക്കുന്നത്. പിആര്ഒ എം കെ ഷെജിന്.