കൊച്ചി: അഭയ കേസ് സിനിമയാകുന്നു. കേസില്‍ നിയമപോരാട്ടം നടത്തുന്ന ജോമോന്‍ പുത്തന്‍പുരയ്ക്കലിന്റെ ആത്മകഥയെ അടിസ്ഥാനമാക്കിയുള്ള ചിത്രം ബോളിവുഡിലാണ് ഒരുക്കുന്നത്. ഇര്‍ഫാന്‍ ഖാനാകും ചിത്രത്തിലെ നായകന്‍.
ഐസിഎം എന്റര്‍ടെയ്ന്‍മെന്റ് പ്രൈവറ്റ് ലിമിറ്റഡിനും കാള്‍ട്ട് എന്റര്‍ടെയ്ന്‍മെന്റിനും വേണ്ടി നിര്‍മ്മാതാവ് ആദിത്യ ജോഷി താനുമായി ചര്‍ച്ച നടത്തിയെന്ന് അഭയ കേസ് ആക്ഷന്‍ കൗണ്‍സില്‍ കണ്‍വീനര്‍ ജോമോന്‍ പുത്തന്‍പുരയ്ക്കല്‍ പറഞ്ഞു. അഭയ കേസ് ഡയറി എന്ന പേരില്‍ ജോമോന്‍ എഴുതിയ ആത്മകഥ അടിസ്ഥാനമാക്കിയാകും സിനിമ ഒരുക്കുക.