കോഴിക്കോട്: എം.ടി. വാസുദേവന് നായരുടെ നോവല് ‘രണ്ടാമൂഴം’ സിനിമയാക്കുന്നതുമായി ബന്ധപ്പെട്ട് അദ്ദേഹം നല്കിയ കേസ് കോഴിക്കോട് ഒന്നാം അഡീഷനല് മുന്സിഫ് കോടതി ഡിസംബര് ഏഴിലേക്ക് മാറ്റി. സംവിധായകന് വി.എ. ശ്രീകുമാര് മേനോന്, അദ്ദേഹം മാനേജിങ് ഡയറക്ടറായ എര്ത്ത് ആന്ഡ് എയര് ഫിലിംസ് പ്രൈവറ്റ് ലിമിറ്റഡ് എന്നിവര്ക്കെതിരെ എം.ടി നല്കിയ കേസില് എതിര്ഭാഗത്തിനു വേണ്ടി അഡ്വ. എം. അശോകന് വ്യാഴാഴ്ച ഹാജരായി വക്കാലത്ത് നല്കി.കേസ് ആര്ബിട്രേറ്റര് മുഖേന തീര്പ്പുകല്പിക്കണമെന്ന് ആവശ്യപ്പെട്ട് ശ്രീകുമാര് മേനോനുവേണ്ടി അപേക്ഷ നല്കി. ഇതിനുള്ള എം.ടിയുടെ എതിര്ഹരജിയും പ്രധാന ഹരജിയിലുള്ള എതിര് സത്യവാങ്മൂലവും നല്കാനാണ് കേസ് മാറ്റിയത്.ശ്രീകുമാര് മേനോന് രണ്ടാമൂഴം തിരക്കഥ ഉപയോഗിക്കുന്നത് താല്ക്കാലികമായി തടഞ്ഞ് കോടതി കഴിഞ്ഞ ദിവസം ഉത്തരവിട്ടിരുന്നു.
2014 ഡിസംബറിലുണ്ടാക്കിയ കരാര്പ്രകാരം തിരക്കഥ കൈമാറിയിട്ടും നിശ്ചിത കാലത്തിനകം സിനിമയാക്കാതെ വൈകിപ്പിച്ചതിനെ തുടര്ന്ന് കഥ തിരിച്ചുനല്കണമെന്നാവശ്യപ്പെട്ടാണ് അഡ്വ. കെ.ബി. ശിവരാമകൃഷ്ണന് മുഖേന എം.ടി കോടതിയിലെത്തിയത്. രണ്ടു കോടി രൂപ പ്രതിഫലത്തിന് തിരക്കഥ കൈമാറാനാണ് കരാര്. രണ്ടാമൂഴം വലിയ പ്രോജക്ടായതിനാലാണ് സമയമെടുക്കുന്നതെന്നാണ് ശ്രീകുമാര് മേനോെന്റ നിലപാട്.
രണ്ടാമൂഴം : ആര്ബിട്രേറ്ററെ നിയമിക്കണമെന്ന് സംവിധായകന്
കോഴിക്കോട്: എം.ടി. വാസുദേവന് നായരുടെ നോവല് ‘രണ്ടാമൂഴം’ സിനിമയാക്കുന്നതുമായി ബന്ധപ്പെട്ട് അദ്ദേഹം നല്കിയ കേസ് കോഴിക്കോട് ഒന്നാം അഡീഷനല് മുന്സിഫ് കോടതി ഡിസംബര് ഏഴിലേക്ക് മാറ്റി. സംവിധായകന് വി.എ. ശ്രീകുമാര് മേനോന്, അദ്ദേഹം മാനേജിങ്…