ബോളിവുഡിലെ ലേഡീ സുപ്പര് സ്റ്റാറിന് സിനിമാ ലോകം ആദരം അര്പ്പിച്ചിരിക്കുകയാണ്. സഹപ്രവര്ത്തകയെ അവസാനമായി കാണാന് ബോളിവുഡില് നിന്നും നിരവധി താരങ്ങളായിരുന്നു ഇന്നലെ മുതല് എത്തി കൊണ്ടിരുന്നത്.
ശ്രീദേവിയോടുള്ള ആദര സൂചകമായി അനുഷ്ക ശര്മ്മ നായികയാവുന്ന ഏറ്റവും പുതിയ സിനിമയുടെ റിലീസ് മാറ്റിയിരിക്കുകയാണ്. ഫെബ്രുവരി 28 നായിരുന്നു സിനിമയുടെ റിലീസ് തീരുമാനിച്ചിരുന്നത്. ഇക്കാര്യം നിര്മാതാവ് തന്നെയാണ് പറഞ്ഞിരിക്കുന്നത്.
ശ്രീദേവിയുടെ മരിച്ചു എന്ന വാര്ത്ത എല്ലാവരുടെയും ഹൃദയം തകര്ത്തിരുന്നു. അതിനാല് തന്നെ ഇന്ന് നടത്താനിരുന്ന സിനിമയുടെ റിലീസ് മാറ്റിയതായി പരിയുടെ നിര്മാതാവ് പേരന്ന അറോറയാണ് വ്യക്തമാക്കിയത്.
മകളുടെ സിനിമയിലേക്കുള്ള അരങ്ങേറ്റം കാണാനുള്ള ഭാഗ്യം ശ്രീദേവിയ്ക്ക് ഉണ്ടായില്ല. അമ്മയുടെ അപ്രതീക്ഷിതമായ മരണം താരപുത്രിയെയും തളര്ത്തിയിരിക്കുകയാണ്. ജാന്വി കപൂര് നായികയാവുന്ന സിനിമയാണ് ധടക്.
കഴിഞ്ഞ വര്ഷം ചിത്രീകരണം ആരംഭിച്ച ജാന്വിയുടെ സിനിമയും വൈകുമെന്നാണ് റിപ്പോര്ട്ടുകള്. സിനിമയുടെ ഷൂട്ടിംഗ് അവസാന ഘട്ടത്തിലെത്തി നില്ക്കുമ്പോഴായിരുന്നു ശ്രീദേവിയുടെ മരണം. തത്കാലം ചിത്രീകരണം അണിയറ പ്രവര്ത്തകര് നിര്ത്തി വെച്ചിരിക്കുകയാണ്.