താരങ്ങൾ തമ്മിൽ പ്രണയത്തിലാകുന്നതും വിവാഹം കഴിക്കുന്നതുമെക്കെ നമ്മൾ നേരുത്തേ മുതലേ കണ്ടു വരുന്നതാണ്. എന്നാൽ ആ ബന്ധങ്ങൾക്കൊന്നും ഒട്ടും ആയുസ് ഇല്ല എന്ന് തന്നെ പറയാം. മിക്ക വിവാഹങ്ങളും വിഹാഹ മോചനത്തിലാണ് അവസാനിക്കുന്നത്. അത് കൊണ്ട് തന്നെ അജിത്തിനോട് നടനും സുഹൃത്തുമായ രമേശ് ഖന്ന ഉപദേശിച്ചിരുന്നു ഒരിക്കലും നടിയെ വിവാഹം കഴിക്കരുതെന്നും സാദാരണക്കാരിയായ ഒരു പെണ്ണിനെ വിവാഹം കഴിക്കു, ആ ജീവിതമേ ശാശ്വതമാകു എന്നും. എന്നാൽ അജിത്തും ശാലിനിയും വിവാഹിതരായി. ഇപ്പോൾ രണ്ടു മക്കളുമായി അവർ സുഖമായി ജീവിക്കുന്നു. താൻ അജിത്തിനെ വിവാഹത്തിന് മുൻപ് ഇങ്ങനെ ഉപദേശിച്ചിരുന്നുവെന്നു രമേശ് തന്നെയാണ് വെളിപ്പെടുത്തിയതും. 
അന്ന് ഞാൻ അമർക്കളത്തിൽ അജിത്തിനൊപ്പം അഭിനയിച്ചു വരുന്ന സമയം ആയിരുന്നു. ഷൂട്ടിങ്ങിന്റെ ഇടവേളകളിൽ ഞങ്ങൾ പരസ്പരം സംസാരിക്കാറുണ്ടായിരുന്നു. അന്ന് എനിക്കറിയില്ലായിരുന്നു അജിത്തും ശാലിനിയും തമ്മിൽ പ്രണയത്തിൽ ആണെന്നുള്ള വിവരം. ഇതൊന്നുമറിയാതെ ഒരു ഇടവേളയിൽ സംസാരത്തിനിടയിൽ ഞാൻ പറഞ്ഞു ഒരിക്കലും ഒരു നടിയെ വിവാഹം കഴിക്കരുത്, അത് പിന്നെ വിവാഹ മോചനത്തിലെ ചെന്ന് നിക്കു എന്ന്. എപ്പഴും സാദാരണക്കാരിയെ വിവാഹം കാഹിക്കുന്നതായിരിക്കും നല്ലത്. ആ ജീവിതമേ ശാശ്വതമാകു എന്നൊക്കെ. അപ്പോൾ അജിത് എന്നോട് ഒന്നും പറയാതെ വെറുതെ പുഞ്ചിരിച്ചുകൊണ്ട് അതൊക്കെ കേട്ടിരുന്നു.
ഞാനും അജിത്തും സംസാരിച്ചിരുക്കുന്നത് അമർക്കളത്തിന്റെ സംവിധയകാൻ ശ്രദ്ധിച്ചിരുന്നു. കുറച്ചു സമയത്തിനുശേഷം അദ്ദേഹം എന്നോട് ചോദിച്ചു നിങ്ങൾ എന്താണ് സംസാരിച്ചിരുന്നതെന്ന്. അപ്പോൾ ഞാൻ അജിത്തിനെ ഉപദേശിച്ച കാര്യം പറഞ്ഞു. ഒന്ന് ചിരിച്ചുകൊണ്ട് അദ്ദേഹമാണ് എന്നോട് പറഞ്ഞത് അജിത്തും ശാലിനിയും തമ്മിൽ പ്രണയത്തിൽ ആണെന്നും അവർ വിവാഹം കഴിക്കാൻ തീരുമാനിച്ചിരിക്കുകയാണെന്നുമുള്ള വിവരം. ഇതൊന്നുമറിയാതെ ആയിരുന്നു ഞാൻ അജിത്തിനെ ഉപദേശിച്ചത്. അന്ന് ഞാൻ ഞെട്ടിയത് പോലെ പിന്നീട് ഇന്നുവരെ ഞാൻ ഞെട്ടിയിട്ടില്ല.
