കോഴിക്കോട് മെഡിക്കൽ കോളജിൽ വീണ്ടും പുക. ആറാം നിലയിൽ നിന്നാണ് പുക ഉയർന്നത്.രോഗികളെ മാറ്റാൻ ആരംഭിച്ചു കഴിഞ്ഞു. കഴിഞ്ഞ ദിവസത്തെ പൊട്ടിത്തെറി സംബന്ധിച്ച് ഇലക്ട്രിക്കൽ ഇന്സ്പെക്ടറേറ്റ് പരിശോധനയ്ക്കിടെയാണ് വീണ്ടും പുക ഉയര്ന്നത്.എന്നാൽ ആശങ്കപ്പെടേണ്ട സാഹചര്യമില്ലെന്ന് മെഡിക്കൽ കോളജ് സൂപ്രണ്ട് മാധ്യമങ്ങളോട് പറഞ്ഞു. കഴിഞ്ഞ ദിവസം പുക ഉയര്ന്നതുമായി ബന്ധപ്പെട്ട പരിശോധനകള് ഉള്പ്പെടെ നടന്നിരുന്നുവെന്നും ഇതിനിടെയുണ്ടായ ഷോര്ട്ട് സര്ക്യൂട്ടിനെ തുടര്ന്നാണ് പുക.
രോഗികള് ആരും അവിടെ ഉണ്ടായിരുന്നില്ല,അതിനാൽ ആശങ്ക വേണ്ടെന്നും മെഡിക്കൽ കോളേജ് സൂപ്രണ്ട് അറിയിച്ചു. കഴിഞ്ഞ ദിവസം ഒന്ന്, രണ്ട് നിലകളില് നിന്നാണ് വലിയ രീതിയിൽ പുക ഉയര്ന്നത്. എന്നാൽ ഇതിന് പിന്നാലെയാണിപ്പോള് ആറാം നിലയിൽ നിന്ന് പുക ഉയര്ന്നത്.നിലവിൽ ആറാം നിലയിൽ ഇപ്പോൾ രോഗികളില്ല.
പുക ഉയര്ന്നതിനെ തുടര്ന്ന് സ്ഥലത്ത് ഫയര്ഫോഴ്സ് എത്തിയിട്ടുണ്ട്. നിലവിൽ സ്ഥിതിഗതികള് നിയന്ത്രണ വിധേയമാണ്. സൂപ്പര് സ്പെഷ്യാലിറ്റി ഓപ്പറേഷൻ തീയറ്ററുകള് പ്രവര്ത്തിച്ചിരുന്ന ആറാം നിലയിലാണ് സംഭവം. കഴിഞ്ഞ ദിവസം കെട്ടിടത്തിൽ നിന്ന് പൊട്ടിത്തെറിയുണ്ടായി തീപിടിച്ച് പുക ഉയര്ന്ന സംഭവത്തിന് പിന്നാലെ ഇവിടെയുള്ളവരെ മാറ്റിയിരുന്നു. നാളെ മുതൽ കെട്ടിടത്തിൽ വീണ്ടും ഓപ്പറേഷൻ തിയറ്റര് അടക്കം പ്രവര്ത്തനം ആരംഭിക്കുന്നതിന്റെ ഭാഗമായാണ് ഇന്ന് പരിശോധന നടന്നത്.
