ഇന്ത്യന് സിനിമാ ലോകം തന്നെ ബിഗ്ബി എന്ന് ഓമനപ്പേരിട്ട് വിളിക്കുന്ന പ്രിയപ്പെട്ട നടന് അമിതാഭ് ബച്ചന് ഇന്ന് കാണുന്ന നിലയിലേക്ക് എത്തിയത് വളരെ പ്രതിസന്ധി നിറഞ്ഞ ഘട്ടങ്ങളിലൂടെയായിരുന്നു. ഇതേ കുറിച്ച് ഇപ്പോള് മകനായ അഭിഷേക് ബച്ചന് തന്നെ തുറന്ന് പറഞ്ഞിരിക്കുകയാണ്. തന്റെ പഠനകാലത്ത് എല്ലാം അച്ഛന് ഒരുപാട് കഷ്ടപ്പെട്ടിരുന്നു, ആ സമയത്ത് തന്റെ കൈയ്യില് സഹായിക്കാന് പണം ഉണ്ടായിരുന്നില്ല എന്നും എന്നാല് ഒരു മകന് എന്ന നിലയില് അദ്ദേഹത്തിന് കൂട്ടായി നില്ക്കാന് വേണ്ടി പഠനം മതിയാക്കിയ കാര്യവും അഭിഷേക് തുറന്ന് പറഞ്ഞിരിക്കുകയാണ് ഇപ്പോള്.
ഭക്ഷണം കഴിക്കാന് പോലും കൈയ്യില് പണമില്ലാതെ സ്റ്റാഫിന്റെ കൈയ്യില് നിന്നും കടം വാങ്ങി എല്ലാവര്ക്കുമുള്ള ഭക്ഷണത്തിന് വക കണ്ടെത്തയൊരു പിതാവായിരുന്നു അദ്ദേഹം. ബോസ്റ്റണില് അഭിനയം പഠിക്കുന്ന കാലത്ത് അമിതാഭ് ബച്ചന് വലിയ സാമ്പത്തിക പ്രതിസന്ധിയിലൂടെ കടന്നുപോകുന്നതായി മനസിലാക്കിയതിനെ തുടര്ന്ന് അഭിഷേക് അവിടെ പഠനം അവസാനിപ്പിച്ച് മടങ്ങി വരികയായാരുന്നു. മകനെന്ന നിലയില് ആ സമയത്ത് എന്റെ പിതാവിനൊപ്പം ഉണ്ടായിരിക്കണമെന്ന ചിന്തമാത്രമായിരുന്നു മനസ്സില് എന്നാണ് അദ്ദേഹം പറയുന്നത്. എന്റെ പിതാവിന് ഭക്ഷണം കഴിക്കാന് പോലും പണം ഉണ്ടായിരുന്നില്ല. അദ്ദേഹം തന്റെ ജോലിക്കാരില് നിന്ന് പണം കടം വാങ്ങിയാണ് എല്ലാവര്ക്കും ഭക്ഷണം നല്കിയത്. ധാര്മികമായി അദ്ദേഹത്തോടൊപ്പമുണ്ടാകാന് ഞാന് ബാധ്യസ്ഥനാണെന്ന് അന്ന് എനിക്ക് തോന്നി.
ഞാന് പഠനം നിര്ത്തി വരികയാണെന്നും നമ്മുടെ കുടുംബത്തിന്റെ അവസ്ഥ മനസിലായിട്ടും ബോസ്റ്റണില് തന്നെ തുടരാന് എനിക്ക് സാധിക്കില്ലെന്നും പറഞ്ഞു. പണം കൊണ്ട് സഹായിക്കാന് കഴിയില്ലെങ്കിലും അച്ഛന് ഞാന് അദ്ദേഹത്തോടൊപ്പം ഉണ്ടെന്ന് തോന്നിപ്പിക്കുകയെങ്കിലും ചെയ്യാനായിരുന്നു അന്ന് ഞാന് തീരുമാനിച്ചത് എന്നും അഭിഷേക് പറയുന്നു.