നീണ്ട ഇടവേളയ്ക്ക് ശേഷം പ്രിയ താരം ജയറാം ‘ഓസ്‌ലറി’ലൂടെ മലയാളത്തിലേക്ക് തിരിച്ചെത്തുകയാണ്. ആരാധകലോകം ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ഓസ്ലര്. ആവേശം ഇരട്ടിയാക്കി ചിത്രത്തിന്റെ ട്രെയിലര്‍ എത്തിയിരിക്കുകയാണ്. ജനുവരി 11 നാണ് ചിത്രം തിയറ്ററുകളിലെത്തുന്നത്. മമ്മൂട്ടി ആരാധകരും കാത്തിരിക്കുന്ന ചിത്രമാണ് ഓസ്ലര്. ജയറാം ചിത്രത്തില്‍ അതിഥി വേഷത്തില്‍ എത്തുന്നുണ്ട്.
2020ലെ സൂപ്പര്‍ഹിറ്റ് ചിത്രം ‘അഞ്ചാം പാതിരാ’യ്ക്ക് ശേഷം മിഥുന്‍ മാനുവല്‍ തോമസ് സംവിധാനം ചെയ്യുന്ന ചിത്രമാണ് ഓസ്ലര്. ത്രില്ലര്‍ ചിത്രമാണെന്ന് ഉറപ്പു തരുന്ന ട്രെയിലര്‍ സോഷ്യല്‍മീഡിയയില്‍ വൈറലായിക്കഴിഞ്ഞു. കുടുംബ പ്രേക്ഷകരുടെ പ്രിയ താരമായ ജയറാമിനെ രൂപത്തിലും ഭാവത്തിലും വ്യത്യസ്തമായ ലുക്കിലാണ് മിഥുന്‍ അവതരിപ്പിക്കുന്നത്. മമ്മൂട്ടിയുടെ ശബ്ദത്തില്‍ അവസാനിക്കുന്ന ട്രെയിലര്‍ ഏറെ പ്രതീക്ഷയാണുയര്‍ത്തുന്നത്.
ജയറാം ചിത്രത്തില്‍ അബ്രഹാം ഓസ്ലര് എന്ന പൊലീസ് ഉദ്യോഗസ്ഥനായാണ് എത്തുന്നത്. അര്‍ജുന്‍ അശോകന്‍, ജഗദീഷ്, ദിലീഷ് പോത്തന്‍, അനശ്വര രാജന്‍, ദര്‍ശനാ നായര്‍, സെന്തില്‍ കൃഷ്ണ, അര്‍ജുന്‍ നന്ദകുമാര്‍, അസീം ജമാല്‍, ആര്യ സലിം തുടങ്ങിയവരാണ് ചിത്രത്തിലെ മറ്റു പ്രധാന താരങ്ങള്‍. ഡോ രണ്‍ധീര്‍ കൃഷ്ണന്‍ ആണ് ഓസ്‌ലറിന്റെ രചന നിര്‍വ്വഹിച്ചിരിക്കുന്നത്. തേനി ഈശ്വര്‍ ആണ് ഛായാഗ്രഹണം. സംഗീതം മിഥുന്‍ മുകുന്ദന്‍, എഡിറ്റിംഗ് സൈജു ശ്രീധരന്‍, കലാസംവിധാനം ഗോകുല്‍ ദാസ് എന്നിവരാണ് മറ്റ് അണിയറപ്രവര്‍ത്തകര്‍.
ജീവിച്ച് മതിയായൊരു മനുഷ്യനെ ഇനി എന്ത് പറഞ്ഞ് ഭയപ്പെടുത്താന്‍!!! ത്രില്ലടിപ്പിച്ച് അബ്രഹാം ഓസ്ലര്
നീണ്ട ഇടവേളയ്ക്ക് ശേഷം പ്രിയ താരം ജയറാം ‘ഓസ്‌ലറി’ലൂടെ മലയാളത്തിലേക്ക് തിരിച്ചെത്തുകയാണ്. ആരാധകലോകം ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ഓസ്ലര്. ആവേശം ഇരട്ടിയാക്കി ചിത്രത്തിന്റെ ട്രെയിലര്‍ എത്തിയിരിക്കുകയാണ്. ജനുവരി 11 നാണ് ചിത്രം തിയറ്ററുകളിലെത്തുന്നത്.…
