Film News

ഭർത്താവ് ആത്മഹത്യ ചെയ്തതിനു രൂക്ഷമായി വിമർശിച്ചത് താരത്തെ, നടി റിയക്ക് മുൻപ് ‘വിച്ച്‌ ഹണ്ടി’ന് ഇരയാകേണ്ടി വന്ന താരസുന്ദരി രേഖ

നടൻ സുശാന്ത് രാജ്പുത് സിംഗിന്റെ ആത്മഹത്യയുമായി ബന്ധപ്പെട്ട് ഏറെ വിമർശങ്ങൾക്ക് ഇരയാകുന്ന നടിയാണ് റിയ, സുശാന്തിന്റെ ആത്മഹത്യക്ക് പിന്നാലെ റിയക്കെതിരെ രൂക്ഷ വിമർശനങ്ങൾ ആണ് സുശാന്തിന്റെ കുടുംബവും മറ്റുള്ളവരും ഉയർത്തുന്നത്, സുശാന്തിന്റെ മരണത്തിന്റെ കാരണക്കാരി റിയ ആണെന്നാണ് അവർ അഭിപ്രായപ്പെട്ടത്. എന്നാല്‍ ബോളിവുഡില്‍ ആദ്യമായല്ല ഒരു നടി വിച്ച്‌ ഹണ്ടിന് ഇരയാവുന്നത്. ബോളിവുഡിലെ താരസുന്ദരി രേഖയും ഇത്തരത്തില്‍ രൂക്ഷമായ മാധ്യമ വിചാരണയ്ക്ക് വിധേയയായിട്ടുണ്ട്‌ . 1990 ല്‍ താരത്തിന്റെ ഭര്‍ത്താവിന്റെ മരണത്തിന് പിന്നാലെയായിരുന്നു ഇത്.

ഗായിക ചിന്മയി ശ്രീപാദയാണ് രണ്ട് പതിറ്റാണ്ടു മുന്‍പ് രേഖയ്ക്ക് നേരെയുണ്ടായ ആക്രമണത്തെക്കുറിച്ച്‌ വ്യക്തമാക്കിയത്. രേഖയുടെ ജീവചരിത്രമായ രേഖ; ദി അണ്‍ടോള്‍ഡ് സ്‌റ്റോറ്റിയിലെ ഒരു ഭാഗമാണ് പങ്കുവെച്ചത്. രേഖയുടെ ഭര്‍ത്താവ് മുകേഷ് അഗര്‍വാളിന്റെ മരണത്തിന് കാരണം താരമാണെന്ന് ആരോപിച്ച്‌ രൂക്ഷമായ വിമര്‍ശനങ്ങളാണ് നേരിടേണ്ടിവന്നത്. രേഖയ്‌ക്കെതിരെ മുകേഷിന്റെ അമ്മയും ചില താരങ്ങളും രംഗത്തെത്തിയിരുന്നു

രേഖയുടെ ഭർത്താവ്  മുകേഷ്  റൂമിലെ ഫാനിൽ തൂങ്ങി മരിക്കുക ആയിരുന്നു. 1990 ഒക്ടോബറിലാണ്  സംഭവം നടക്കുന്നത്. മുകേഷ് മരിക്കുന്ന സമയത്തും കടുത്ത വിഷാദ രോഗത്തിന് അടിമ ആയിരുന്നു, എന്നാൽ ഈ കാര്യം രേഖ മനസ്സിലാക്കിയത് ഇവരുടെ വിവാഹത്തിന് ശേഷമാണ്. പക്ഷെ മുകേഷ് മരിച്ചത് രേഖ കാരണം ആണെന്ന് മുകേഷിന്റെ ‘അമ്മ പറഞ്ഞിരുന്നു. നടിക്കെതിരെ രൂക്ഷ വിമർശങ്ങൾ ആണ് അന്ന് ഉയർന്നിരുന്നത്.

Trending

To Top
Don`t copy text!