ബ്രഹ്മാണ്ഡ ചിത്രം ബാഹുബലിയ്ക്ക് ശേഷം നടന് പ്രഭാസ് നായകനാവുന്ന ചിത്രമാണ് ആദിപുരുഷ്. ഇതിഹാസ കാവ്യമായ രാമായണത്തെ ആസ്പദമാക്കി ഓം റാവത്ത് സംവിധാനം ചെയ്യുന്ന ചിത്രമാണ് ആദിപുരുഷ്. ചിത്രത്തില് ശ്രീരാമനായിട്ടാണ് പ്രഭാസ് എത്തുന്നത്.
വന് മുതല് മുടക്കില് ത്രീഡിയില് ഒരുക്കുന്ന ചിത്രമാണ് ആദിപുരുഷ്. ചിത്രത്തിനായി വലിയ തയ്യാറെടുപ്പുകളാണ് താരം നടത്തിയിരിക്കുന്നത്. ശ്രീരാമനാവാന് കടുത്ത ഡയറ്റിലായിരുന്നു താരം.
കഠിനമായ വര്ക്കൗട്ടുകള് മുതല് കര്ശനമായ ഭക്ഷണക്രമം വരെ പ്രഭാസ് പാലിച്ചിരുന്നു. ആഴ്ചയില് ആറ് ദിവസം വ്യായാമം, ജോഗിങ്, സൈക്ലിംഗ്, നീന്തല് തുടങ്ങിയ കാര്ഡിയോ പരിശീലനങ്ങളും ചെയ്തിരുന്നു.
ഭക്ഷണ കാര്യത്തില് അതീവ ശ്രദ്ധയുണ്ടായിരുന്നു. ചിക്കന്,മീന്, മുട്ട, പാലുല്പ്പന്നങ്ങള് എന്നിവ പ്രഭാസിന്റെ ഡയറ്റില് ഉള്പ്പെടുത്തിയിരുന്നു. കാര്ബോഹൈഡ്രേറ്റ് അടങ്ങിയ മട്ട അരി, ക്വിനോവ, മധുരക്കിഴങ്ങ് തുടങ്ങിയയവും നടന് കഴിച്ചു. മാംസാഹാരത്തോടൊപ്പം പഴങ്ങളും പച്ചക്കറികളും ജ്യൂസും ഡയറ്റില് ഉള്പ്പെടുത്തിയിട്ടുണ്ട്. 15 മുട്ടകള് ആണ് ദിവസവും പ്രഭാസ് കഴിച്ചിരുന്നത് എന്നാണ് റിപ്പോര്ട്ടുകള്.
ചിത്രത്തില് ബോളിവുഡ് താരസുന്ദരി കൃതി സനോന് ആണ് സീതാ ദേവി ആയിട്ടെത്തുന്നത്. രാവണനായി സെയ്ഫ് അലിഖാനും എത്തുന്നു. ചിത്രം ജൂണ് 16ന് ആണ് തിയേറ്ററുകളിലെത്തുന്നത്.
ചിത്രത്തിന്റെ ആദ്യമിറങ്ങിയ ടീസറിന് സോഷ്യലിടത്ത് വലിയ പരിഹാസമായിരുന്നു നിറഞ്ഞത്. വിഎഫ്കസിനെതിരെയായിരുന്നു രൂക്ഷ വിമര്ശനം നിറഞ്ഞത്. എന്നാല് യൂട്യൂബ് ചാനലിലൂടെ പുറത്തുവന്ന ട്രെയിലര് ടീസറിനെക്കാള് മികച്ചതാണെന്നാണ് പ്രേക്ഷകര് അഭിപ്രായപ്പെടുന്നുണ്ട്