നിരവധി ആരാധകർ ഉള്ള താരദമ്പതികൾ ആണ് ധനുഷും ഐശ്വര്യയും. നീണ്ട നാളത്തെ പ്രണയത്തിന് ശേഷമാണ് 2004 ൽ ഇരുവരുടെയും വിവാഹം നടന്നത്. വളരെ ആഘോഷപൂർവം നടന്ന വിവാഹത്തിൽ തമിഴ് സിനിമയിലെ ഒട്ടുമിക്ക താരങ്ങളും പങ്കെടുത്തിരുന്നു. രണ്ടു മക്കളും ഇവർക്ക് ഉണ്ട്. ധനുഷ് സിനിമ അഭിനയത്തിലേക്ക് ശ്രദ്ധ കേന്ദ്രീകരിച്ചപ്പോൾ ഐശ്വര്യ ആകട്ടെ സംവിധാനത്തിൽ ആണ് തന്റെ ശ്രദ്ധ കേന്ദ്രീകരിച്ചത്. എന്നാൽ ഈ സമയത്ത് ഒക്കെയും പല ഗോസിപ്പുകളും ഇവരെ കുറിച്ച് വന്നെങ്കിലും അതിനോട് ഒന്നും താരങ്ങൾ പ്രതികരിച്ചിരുന്നില്ല. എന്നാൽ ആരാധകരെ ഞെട്ടിച്ച് കൊണ്ടാണ് താരങ്ങൾ വിവാഹ മോചിതർ ആകുന്ന വാർത്ത പങ്കുവെച്ചത്.
ഇരുവരും ചേർന്നാണ് വിവാഹ മോചനം നേടുന്ന കാര്യം ആരാധകരുമായി പങ്കുവെച്ചത്. എന്നാൽ ഇതിനു പിന്നാലെ പല ഗോസിപ്പുകളും ഇവരുടെ വിവാഹ മോചനറെ കുറിച്ച് പ്രചരിച്ചിരുന്നു. ഇരുവരെയും തമ്മിൽ ഒന്നിപ്പിക്കാൻ പലരും ശ്രമം നടത്തിയിട്ടും അതൊക്കെ വിഫലമായി എന്നും ഇരുവരും ഉറച്ച തീരുമനത്തിൽ ആണെന്നും ഉള്ള വാർത്തകൾ വന്നിരുന്നു. അത് മാത്രമല്ല, മക്കളുടെ കാര്യത്തിൽ ഇരുവരും ചേർന്നായിരിക്കും തീരുമാനങ്ങൾ എടുക്കുന്നത് എന്ന ധാരണയും ഇരുവരും തമ്മിൽ ഉണ്ടായിരുന്നു. എന്നാൽ ഇപ്പോൾ ഐശ്വര്യ ഒരു യുവ നടനുമായി പ്രണയത്തിൽ ആണെന്ന വാർത്തകൾ ആണ് പുറത്ത് വന്നത്.
ഇരുവരും പ്രണയത്തിൽ ആണെന്നും ഇരുവരെയും ഒരുമിച്ച് ഒരു ഹോട്ടെലിൽ വെച്ച് കണ്ടു എന്നും ഐശ്വര്യ ഉടനെ വിവാഹിത ആകുമെന്നുമാണ് ഗോസിപ്പ് പ്രചരിച്ചത്. എന്നാൽ ഇപ്പോൾ ഈ വിഷയത്തിൽ പ്രതികരണവുമായി എത്തിയിരിക്കുകയാണ് ഐശ്വര്യയുടെ ബന്ധപ്പെട്ട വൃത്തങ്ങൾ. ഐശ്വര്യ നിലവിൽ ആരുമായും പ്രണയത്തിൽ അല്ല എന്നും പ്രചരിക്കുന്നത് വ്യാജ വാർത്തകൾ ആണെന്നും താരം വിവാഹിത ആകാൻ ഇത് വരെ തീരുമാനിച്ചിട്ടില്ല എന്നുമാണ് ഇപ്പോൾ താരവുമായി ബന്ധപ്പെട്ട് പുറത്ത് വരുന്ന വാർത്തകൾ.
