മലയാള സിനിമ നിർമ്മാതാവ് ഡേവിഡ് കാഴ്ച്ചപ്പള്ളിയുടെ മകനും ഛായാഗ്രഹനുമായ അജയ് ഡേവിഡ് വിവാഹിതനായി ജോയ് വർഗീസ് ആലൻസ് ജോയ് ദമ്പതികളുടെ മകൾ റിനീറ്റ ആണ് വധു. വിവാഹ ചടങ്ങിൽ നടനും എംപിയുമായ സുരേഷ്‌ഗോപി അടക്കം നിരവധി താരങ്ങളാണ് ഇതിന് പങ്കെടുത്തിരുന്നത്. വിവാഹ ചടങ്ങിൽ നിന്നുള്ള ചിത്രങ്ങൾ സോഷ്യൽ മീഡിയിൽ ശ്രദ്ധ നേടിയിരിക്കുകയാണ്. അടികപ്യാരെ കൂട്ടമണി, മരുഭൂമിയിലെ ആന, വികടകുമാരൻ, പൊറിഞ്ചുമറിയം ജോസ് എന്നി ചിത്രങ്ങളിലൂടെ ശ്രദ്ധയനായ യുവ ഛായാഗ്രാഹകൻ അജയ് ഡേവിഡ്.
സംവിധായകൻ ജോഷിയുടെ പുരോഗമിക്കുന്ന പപ്പൻ എന്ന സുരേഷ്ഗോപിയുടെ സിനിമയുടെ ഛായാഗ്രഹണം അജയ് ആണ് നിർവഹിക്കുന്നത്. ഇക്കഴിഞ്ഞ ഒക്ടോബർ 30 ശനിയാഴ്ച ആയിരുന്നു തൃശൂർ ഫെറോണ പള്ളിയിൽ ഇവരുടെ വിവാഹം. തുടർന്ന് സിവിസി ഇന്റർനാഷണൽ കൺവെഷനിൽ വെച്ച് വിവാഹ സൽക്കാരവും നടന്നു. വിവാഹ ചടങ്ങിലും സൽക്കാരത്തിലും ചലച്ചിത്ര സാമൂഹിക രംഗങ്ങളിൽ നിന്നും നിരവധി വ്യക്തികൾ പങ്കെടുക്കാൻ എത്തുകയും ചെയ്തു. ശ്രദ്ധയനായ ചലച്ചിത്ര നിർമ്മാതാവാണ് അജിയുടെ പിതാവ് ഡേവിഡ് കാഴ്ചപ്പള്ളി.1981 മുതൽ സിനിമ ലോകത്ത് അദ്ദേഹം ഉണ്ട്.
അദ്ദേഹം നിർമിച്ച ഒരുപാട് ഹിറ്റ് സിനിമകളാണ് മലയാളികൾക്ക് സമ്മാനിച്ചതും. വിവാഹ ചടങ്ങിൽ താരമായി നടനും എംപിയുമായ സുരേഷ്‌ഗോപി വന്നതായിരുന്നു ഏറെ ചർച്ചയായത്. ഈ ചിത്രങ്ങളാണ് സോഷ്യൽ മീഡിയിൽ ഇടം പിടിച്ചതും വെള്ള വസ്ത്രധാരിയായി മാസ്കും അണിഞ്ഞെത്തിയ അദ്ദേഹം വിവാഹ വേദിയിലെത്തി വധു വരനെ അനുഗ്രഹിക്കുകയും മധുരം നൽകുകയും ചെയ്തു. പ്രശസ്ത സംവിധായകൻ ജോഷി, മകൻ അഭിലാഷ് ജോഷി, സുരേഷ്‌ഗോപി,സുരേഷ് കുമാർ, എം രഞ്ജിത്ത്, ലിബോയ് ടി ബഷീർ, രമേശ്കുമാർ, ആൽവിൻ ആന്റണി, ടിനിടോം, നന്ദു, നമിത പ്രമോദ്, പീത പിള്ള, ജ്യൂവൽ മേരി, തുടങ്ങി സിനിമ ലോകത്ത് നിന്നും നിരവധി പേരായിരുന്നു പങ്കെടുത്തിരുന്നത്.
