മലയാളത്തിന്റെ പ്രിയ താരമാണ് നടി അനശ്വര രാജന്. ബാല താരമായി മലയാള സിനിമാ ലോകത്തെത്തി വളരെ ചുരുങ്ങിയ കാലം കൊണ്ട് തന്നെ നായികയായും ശ്രദ്ധേയമാകാന്‍ താരത്തിനായി. ഏറെ ആരാധകരുള്ള നായികയാണ് അനശ്വര. മോഹന്‍ലാല്‍ ചിത്രം നേരാണ് അനശ്വരയുടേതായി അവസാനമിറങ്ങിയ ചിത്രം. ബോക്‌സോഫീസില്‍ മികച്ച പ്രതികരണമാണ് ചിത്രം നേടിയത്. ചിത്രത്തിലെ അനശ്വരയുടെ പ്രകടനം ഏറെ കൈയ്യടി നേടിയിരുന്നു.
ഇപ്പോഴിതാ താരത്തിന്റെ പുതിയ പോസ്റ്റാണ് സോഷ്യലിടത്ത് നിറയുന്നത്. അമ്മ ഉഷ രാജന് പിറന്നാള്‍ സര്‍പ്രൈസുമായി എത്തിയിരിക്കുകയാണ് അനശ്വരയും സഹോദരി ഐശ്വര്യ രാജനും. വിമാനത്താവളത്തിലേക്ക് പോകുന്ന വഴിയാണ് കാറില്‍ നിന്നും താരം അമ്മയ്ക്ക് സര്‍പ്രൈസ് നല്‍കിയത്.
വഴിയില്‍ വച്ച് കാര്‍ നിര്‍ത്തി പിറന്നാള്‍ ആഘോഷിക്കുകയും ചെയ്തു. അമ്മയ്ക്ക് പിറന്നാള്‍ സമ്മാനവും മക്കള്‍ നല്‍കി. ആ മനോഹര നിമിഷങ്ങളുടെ വീഡിയോയാണ് അനശ്വര സോഷ്യലിട്ത്ത് പങ്കുവച്ചത്. കേക്കും ബൊക്കയുമൊക്കെയായി നിരവധി സമ്മാനങ്ങള്‍ മക്കള്‍ അമ്മയ്ക്ക് സമ്മാനിച്ചു.
‘നേരി’ലൂടെ തന്റെ കരിയര്‍ ബെസ്റ്റ് പ്രകടനമാണ് അനശ്വര നടത്തിയത്. സാറ എന്ന അന്ധയായ കഥാപാത്രമായിട്ടാണ് അനശ്വര ചിത്രത്തിലെത്തിയത്. ജയറാം ചിത്രം ‘ഓസ്ലറി’ലും അനശ്വര ശ്രദ്ധേയമായ വേഷത്തിലെത്തിയിരുന്നു. മലയാളി ഫ്രം ഇന്ത്യ, ഗുരുവായൂരമ്പലനടയില്‍ എന്നിവയാണ് അനശ്വരയുടെ അണിയറയിലൊരുങ്ങുന്ന ചിത്രം.
