Tuesday, February 7, 2023
HomeFilm Newsഇതെന്റെ സ്നേഹം.. എന്റെ ഹൃദയം!!! കുഞ്ഞു ദേവിയുടെയും കരണിന്റെയും ചിത്രം പങ്കുവച്ച് ബിപാഷ ബസു

ഇതെന്റെ സ്നേഹം.. എന്റെ ഹൃദയം!!! കുഞ്ഞു ദേവിയുടെയും കരണിന്റെയും ചിത്രം പങ്കുവച്ച് ബിപാഷ ബസു

ബോളിവുഡിന്റെ ഫാഷന്‍ റാണി ബിപാഷ ബസു അടുത്തിടെയാണ് മാലാഖ കുഞ്ഞിന്റെ അമ്മയായത്. 2016ലായിരുന്നു മോഡലും നടനുമായ കരണ്‍ സിംഗ് ഗ്രേവറിനെ താരം വിവാഹം ചെയ്തത്. ശേഷം സിനിമാലോകത്ത് നിന്നും മാറി സ്വസ്ഥമായ കുടുംബജീവിതം ആസ്വദിക്കുകയാണ് താരം.

സിനിമയിലില്ലെങ്കിലും ആരാധകരുടെ പ്രിയ താരം തന്നെയാണ് ഇപ്പോഴും ബിപാഷ.
മോഡലിങ്ങിലും സാമൂഹിക മാധ്യമങ്ങളിലും സജീവമാണ് താരം ഇപ്പോള്‍. ഇപ്പോളിതാ മകളുടെ ചിത്രം പങ്കുവച്ചെത്തിയിരിക്കുകയാണ് താരം. ദേവി ബസു സിംഗ് ഗ്രോവര്‍ എന്നാണ് മകളുടെ പേര്.

കഴിഞ്ഞ മാസം 12-നാണ് ബിപാഷ പെണ്‍കുഞ്ഞിന്റെ അമ്മയായത്. കുഞ്ഞ് പിറന്ന് ഒരു മാസമാകുമ്പോഴാണ് താരം മകളുടെയും ഭര്‍ത്താവ് കരണ്‍ സിംഗ് ഗ്രോവറിന്റെയും ഹൃദ്യമായ ചിത്രം ആരാധകര്‍ക്കായി പങ്കുവെച്ചിരിക്കുന്നത്.

ഇതെന്റെ സ്നേഹമാണ്, എന്റെ ഹൃദയമേ എന്ന കുറിച്ചാണ് താരം ദേവിയും കരണും ഉറങ്ങുന്ന ചിത്രം താരം പങ്കുവെച്ചിരിക്കുന്നത്. ദേവിയെ ചേര്‍ത്തുപിടിച്ചുറങ്ങുന്ന കരണാണ് ചിത്രത്തില്‍.

പിങ്ക് ഉടുപ്പിട്ട ദേവിയുടെ കൈകളില്‍ മജന്ത നിറത്തിലെ കുഞ്ഞിക്കൈയ്യുറകളും കാണാം. അച്ഛനുനേരെ മുഖത്തോട് മുഖം വച്ചാണ് കുഞ്ഞുദേവിയുറങ്ങുന്നത്. ഈ ചിത്രത്തിലും ദേവിയുടെ മുഖം വ്യക്തമായി കാണാന്‍ കഴിയില്ല.

അതേസമയം, ചിത്രത്തിന് താഴെ നിരവധിപ്പേരാണ് കമന്റുമായെത്തിയത്. അമൂല്യം, മനോഹരം, ഇന്റര്‍നെറ്റിലെ ഇന്നത്തെ മനോഹര കാഴ്ച എന്നിങ്ങനെ നിരവധി കമന്റുകളാണ് ആരാധകരുടെ വക നിറയുന്നത്.

നേരത്തെ കരണും ബിപാഷയും മകളും ഒരുമിച്ചുള്ളൊരു ചിത്രവും ബിപാഷ പങ്കുവെച്ചിരുന്നു. എങ്ങനെയാണ് ഒരു സ്വീറ്റ് മാലാഖക്കുഞ്ഞിനെ ഉണ്ടാക്കുന്നതെന്ന് നോക്കാം എന്ന അടിക്കുറിപ്പോടെയാണ് ചിത്രം പങ്കുവച്ചത്. ഗര്‍ഭിണിയായ സന്തോഷവും മെറ്റേണിറ്റി ഫോട്ടോഷൂട്ട് ചിത്രങ്ങളും ബിപാഷ സോഷ്യല്‍ മീഡിയയിലൂടെ പങ്കുവച്ചിരുന്നു.

Related News