പ്രേക്ഷകരുടെ മനസ്സിലേക്ക് ആഴത്തില് ഇറങ്ങിച്ചെന്ന അവതരണ ശൈലിയുമായി മലയാളികളുടെ പ്രിയം നേടിയെടുത്ത കലാകാരിയാണ് ലക്ഷ്മി നക്ഷത്ര. സ്റ്റാര് മാജിക് എന്ന ടെലിവിഷന് പരിപാടിയാണ് താരത്തിന് ഇത്രയും ആരാധകരെ നേടിക്കൊടുത്തത്. മലയാളികള്ക്കെന്നും സ്വന്തം വീട്ടിലെ കുട്ടിയോട് ഉള്ള സ്നേഹവും വാത്സല്യവുമാണ് ലക്ഷ്മിയോട് ഉള്ളത്. ഇന്ന് മലയാളത്തില് നിരവധി അവതാരകര് ഉണ്ടെങ്കിലും ലക്ഷ്മിക്കാണ് ആരാധകര് ഏറെയുള്ളത്. വിനയവും സ്നേഹവും കുസൃതിയും നിറഞ്ഞ പെരുമാറ്റവും സാധാരണക്കാരോടുള്ള താരത്തിന്റെ ഇടപെടലും തന്നെയാണ് ലക്ഷ്മി നക്ഷത്രയെ പ്രേക്ഷകര്ക്ക് പ്രിയങ്കരിയാക്കിയത്.
ടെലിവിഷന് പരിപാടിയിലെ പോലെ തന്നെ സമൂഹമാധ്യമത്തിലും ഏറെ ആരാധകരുള്ള താരമാണ് ലക്ഷ്മി. സോഷ്യല് മീഡിയയില് സജീവമായ താരം പങ്കുവെയ്ക്കുന്ന ഫോട്ടോകളും വീഡിയോകളും മറ്റ് വിശേഷങ്ങളുമെല്ലാം ആരാധകര് ഇരു കൈയ്യും നീട്ടി സ്വീകരിക്കാറുണ്ട്. യൂട്യൂബിലൂടെയും താരം വിശേഷം പങ്കുവെച്ച് എത്താറുണ്ട്. ഇപ്പോഴിതാ ലക്ഷ്മിയുടെ ക്രിസ്തുമസ് ആഘോഷത്തിന്റെ ഒരു വീഡിയോ ആണ് പ്രേക്ഷക ശ്രദ്ധ നേടുന്നത്. ഇത്തവണ സനമോള്ക്കൊപ്പമാണ് താരം വീഡിയോ ചെയ്തത്. ആ ആളുടെ കൂടെ മറ്റാരും ക്രിസ്തുമസ് സെലിബ്രെറ്റ് ചെയ്യും മുന്പേ ഇടിച്ചു കയറി സര്പ്രൈസായി ആഘോഷിക്കണം എന്ന് ആഗ്രഹമാണ് എന്നെ അവളുടെ അടുത്തേക്ക് എത്തിച്ചത് എന്ന് പറഞ്ഞാണ് താരത്തിന്റെ വീഡിയോ ആരംഭിക്കുന്നത്. പത്ത് വയസ്സുള്ള സനമോളെ കാണാന് ലക്ഷ്മി എത്തിയപ്പോള് ആ കുഞ്ഞു മുഖത്തെ സന്തോഷം കണ്ട് പേക്ഷകരുടെ കണ്ണില് ഈറനണിഞ്ഞു.
ഇതിനോടകം തന്നെ ലക്ഷക്കണക്കിന് ആളുകളാണ് സനമോള്ക്കൊപ്പം ലക്ഷ്മി പങ്കുവെച്ച വീഡിയോ കണ്ടിരിക്കുന്നത്. ഒരു മാസം മുമ്പേയാണ് എന്നെ ഒരുപാട് തേടി അലഞ്ഞ ശേഷം മോള് എന്നിലേക്ക് എത്തുന്നത്. ചാനലിലേക്ക് ആയിരുന്നു ആ കോള്. അസോസിയേറ്റ് ഡയറക്ടിനെയൊക്കെ വിളിച്ചിട്ടാണ് എന്നെ കണക്റ്റ് ചെയ്യാന് പറയുന്നത്. ആ വീഡിയോ കോളില് സംസാരിക്കുമ്പോഴാണ് സന എന്നെ എത്രത്തോളം ഇഷ്ടപെടുന്നു എന്ന് മനസിലായത് എന്ന് ലക്ഷ്മി പറയുന്നു. ആരാധികയോടൊപ്പമുള്ള താരത്തിന്റെ വീഡിയോ ആണ് ഇപ്പോള് സമൂഹമാധ്യമങ്ങളില് വൈറലായി മാറുന്നത്.